إفادتكم عن البلوفرنتد

[الصاعقة]

السلام عليكم ورحمة الله وبركاته ،،

عندي ببغاء البلوفرنتد عندما اضعه في القفص جالس وهادي ..

ولكن اول مايشوفني اجي او اقرب من القفص يقوم يتسلق الشبك ويعضض الشبك واحيانا يعضض جناحه ورجوله ويبي يطلع من القفص وحتى يوم اشوفه يسوي كذا اعطيه حب من برى القفص وهو داخل ياخذها ويرميها ويسوي حركات غريبة ( متوتر ) ويبي يطلع من القفص ..

انا بصراحة ماودي يتعود دائما برى القفص وماودي يتعود داخل القفص يعني سددوا وقاربوا ..

ايش رايكم بهذه الحركات ؟؟ وماهي ملاحظاتكم وتوجيهاتكم ؟؟

الأمر الأخير بارك الله فيكم

الطير اعطيه تفاح يمسك التفاح ويقطعها قطع صغيرة ويرميها يعني ماياكلها بس ينثرها قطع صغيرة اعطيه جرجير وخس نفس الطريقة .. ماياكل الا بس الشمسي ابي انوع له الأكل ايش الطريقة عشان صحته تزين وحطيت لها بطاطس مسلوقه وجزر واعطيته موز وبرتقال بس يقعد يعضضها ماياكلها .. ايش الحل بارك الله فيكم لتنويع أكل الطير ومع تصرفاته ؟؟

مع خالص الشكر والتقدير لكم ..

[بوسلمان]

يمكن القفص صغير عليه ومايقدر يلعب وياخذ راحته

حاول لما تكون موجود خله على الاستاند وفي عدم وجودك بالقفص خله

[الصاعقة]

شكرا لك يا أبو سليمان

سؤال اخر بارك الله فيكم ..

مامعنى العين تكبر وتصغر واحيانا في اوقات معينه .. مامعنى ذلك ؟؟ وخاصة ان الطير لا يتكلم

واحيانا يوم اعطيه الأكل بيدي تكبر عينه وتصغر لماذا ؟؟