ضروري.. عندي كاسيكو مريض :(

[فاطمة00]

السلام عليكم

عندي كاسيكو صغير يمكن عمره 5 شهور( صار له 6 ايام ما ياكل شي الا بالغصب يعني ايود منقاره واعطية سيريلاك او ماي00 و ما يتحرك نفس قبل وساعات يرتجف فحطيت له ليت اصفر في القفص و لحفته

وديته البيطيري امس و قال لي مافيه شي و عطاني مضاد و فيتامين لمدة عشرة ايام يعني اليوم ثاني يوم اعطيه المضاد بس احسه امس حالته كانت شوي احسن.. اليوم احس عنده اسهال شوي ..وعطيته عسل اليوم ...


فاللي عنده الخبرة في هالمجال لا يبخل علي ضروري اخاف الطير يموت

[no0La]

اختي حاولي بالبدايه تكوني هاديه

اول شي طبيعي بعض الطيور اذا اختلف عليها المكان
يختلف اكلها وحركتها وشربها يعني كلش ..

والافضل ااذاا جاه طير جديد نبعده عن التيارات الهوائيه
ويكون لها مكان خاص ودافي والمضاد لمدة خمس ايام مستمره

استخدمتي العلاج يومين يعني باقي مفعول الدواء مامسك معاه
انا افضل انك تستخدمي نوعين مضاد اسبوع واسبوع
طالما وصل لمرحلة الاسهال

بس السؤال هنا هل اكله الان بس سيريلاك ؟

الليت الاصفر طلعيه من القفص وخليه قريب مو مباشر وقريب مره منه
ويكفي يكون جو الغرفه دافئ لا حراره زايده ولا بروده

[فاطمة00]

اعطيه سيريلاك بالغصب.. لانه سائل وربعد اليوم طحنت له فول سوداني و خلطته بالماي شوي و عطيته لانه صغير ما يقدر ياكل فول سوداني

و الليت انه حاطتة داخل القفص ...هل يضر ؟؟؟ لانه ينام عند الليت مباشرة!!!

[naasooh]

ألأفضل تحطين صوره
عشان تكوون ألأجابه أدق

إذا فرضنا انه أطير صغير بالعمر 5 شهور

فلازم توكلينه سيريلاك وتخلين اكل داخل القفص عشان يتعلم ياكل
وافضل طريقه انه يستطعم ألأكل
عشان يحب ياكله بعدين
وممكن هالرابط يفيدك

http://www.2zoo.com/vb/showthread.php?t=114781

أهم شئ انه ياكل باي طريقه عشان يتقوى جسمه
وعطيه ألأكل الي يقوي مناعته بين فتره وفتره

http://www.2zoo.com/vb/showthread.php?t=123957

و لالالالالالالالالالالالا تسبحينه اصبري لأنه اصغير ومناعته مووعاليه
والف مبروك عليك اطير

ولالالالا يحوشه اي تيار بارد خليه بمكان الجوو فيه معتدل

[no0La]

مثل ماافادك اخوي naasooh

الليت مو مضر بس لا تقربيه منه مره
خلي الجو معتدل دافئ

وحاولي تأكلينه ولاتخافين ان شاء الله
تشوفينه ع احسن مايكون يارب

[كوالا]

الليت ممكن يحرقه اذا لمسه خله خارج القفص بمسافه قريبه جدا

وان شاء الله يصير بخير ويتعافى

[فاطمة00]

اليوم زاد عليه الاسهال (لونه اخضر) وانتوا بكرامة مادري شنو اعطيه؟؟؟

هل ممكن يكون من المضاد؟؟

ياهل الخبرة ساعدوني

[ابوعبودي1400]

عزيزتي.
الاسهال اذالونه اصفر يعني الطيرمريض بس الاخضرعادي واذاجاء انه سال اخضراكرمكم الله هذا مفعول المضاد ولاتخافي ان شاءلله يكون بخير وفيه فيتامين هو بودره ماعرف اسمه لااني قطيت كيسه لكل الطيور يباع عنداهل الطيور يصلح للمواضيع مثل ذي اناعندي موجربه ومفعوله طيب.

[امل الشفاء]

السلام عليكم

انا كمان عندي كاسيكو حالته مشابها للحاله اللي عندك لما سبحوه زكم وبعدين صار ما في قوه ياكل ويتكلم كل ينام ولما ينام يرتجف وينفخ حاله شوي ويغمض عينه
وديته البيطري ولا فاد شيء
اليوم هرست ليه ثوم وقاعد يطلع من خسمه ماي واجد بس ما ادري اذا هالشيء زين او لا

[ولد الحمائل]

هلا اخوي طيري مات أمس ..

ما ياكل وعنده إسهال ..

نصيحه وده لبيطري ثاني وإلحقه بأول مرضه نصيحه نصيحه ..

خله يعطيه مضاد + فيتامينات ..


تحياتي ..