ساعدوني بسرعه ضروري

[relena]

مرحبا اخواتي واخواني انا وطيوري قصتنا قصه من يوم الخميس لاحظت انه الزوج عندي يدخلو البياضه ويطولوا فيها بالذات بالليل مايخرجوا فقررت ذي المره ماافتح البياضه ولا ازعجهم اليوم الصبح لقيت الذمر برا والانثى جو وهو بس يصيح حطيت له الاكل وروحت وهو بس يصيح او يدخل جو عند الانثى ويغرد ، قبل شوي لقيت الانثى خرجت له لقيتها واقفه وظهرها محني كانها زعلانه او فيها شي لما قربت منها لقيت في رجلها شي زي زلال البيض لونه اصفر فتحت البياضه في اثر لزلال البيض الاصفر ايش معنا ذا الكلام تكون باضت وكسرت البيضه؟؟! أيش اسوي ساعدوني ضروري الله يخليكم

[relena]

مو عارفه ايش اسوي اشيل الصفار الي في البياضه وكمان انا ماشفت اثر لقشرة البيضه امكن ماانتبهت لها وامكن مافي مااعرف وانا كمان انا مااعرف اذا ممكن تبيض لسه او لا ؟؟؟؟؟

[Sayo~nara]

اممم ممكن فعلا تكون باضت وكسرت البيضه واكلوها ...
بس مافي اي اثار لقشر بيض؟؟؟
وطيب اتأكدتي لما فتحتي البياضه انها نظيفه وكويسه
بالنسبه انو الذكر يصيح ممكن يكون انزعج من شي او جيعان ..
عندي الذكر برضو احيانا يصيح والانثى تكون جوا ..
امكن جيعانين او خافو من شي ... عادي يعني

بس حركة الانثى اللي قلتي عنها قصدك انها تنحي ظهرها تطلب الزواج؟؟؟؟
بس اذا هما من يوم الخميس في البياضه ان شاء الله انهم في مرحلة وضع البيض
وفي دلالات تعرفي انو الانثى باضت زي انك تشوفي فيها انتفاخ في منطقة الحوض .. ما لاحظتي دا الشي خلال دي الايام ؟؟

واللي قلتي زي زلال البيض برضو اتاكدي انو فعلا كان بيض ..
لانو لو كان بيض واكلوه يعني ينقصهم كالسيوم
انتي موفرته لهم ؟؟؟؟

بس لا تقلقي عموما ..
بالتوفيق يا رب

[Sayo~nara]

ايوا شيلي الصفار ونظفي البياضه بس اذا هما عاملين العش ومجهزينه اكتفي بس بشيل الصفار ونظفي المكان دا بس

[relena]

كيف يعني مجهزين العش؟؟أنا في المره الاولى لما باضو كان في فجوه في نشارة البيض دحين مافي وكمان لسه مالهم خمس ايام ليش كسرت البيضه او اكلتها انا عرفت من رجلها لماشفت الصفار وفي نشاره لاصقه فيها ، دحين الذكر جو ويخبط انا موفره لهم الاكل الحبوب و الخضار وكمان عندهم عظمة الحبار يعني ايش ممكن نلقصهم كمان؟؟

[relena]

اخاف اشيل الصفار يرجعو يبطلو يدخلو لانه امكن لسه فيها بيض ماااعرف

[relena]

دحين لو مافي قشره معناه ذا الزلال الاصفر مو بيض؟؟؟ طيب ايش ذا الشي؟؟؟

[Sayo~nara]

هيا المشكلة انك مو متاكدة ....
عموما خليهم زي ماهما لا تغيري شي خلاص
... وعشان تعرفي انو الانثى باضت او لا بس لاحظي الانتفاخ ..
بس مدري حسيت طيورك بتلعب هههههه امكن باضت وكسرو البيض ولعبو فيه ههههه
لا إن شاء الله يبيضو وينتجو

بس ما اعرف هوا صح اغلب طيور الكروان تعمل على قولك فجوة في العش وتخرج النشارة اللي ما تبغاها

بس خلاص انتي خلي كل شي زي ماهو
و ومن ناحية الغذاء كويس كدا ..

وإن شاء الله اذا احد عنده جواب تاني يفيدك اكتر ...

[relena]

دوبي قبل شويا رحت قلت بفتحها واتاكد لقيتهم دخلوحتى الانثى كانت بتخرج شافتني رجعت دخلت فسبتهم انا ماشفت قشره متاكده شفت زي الزلال شي اصفر في النشاره انا لما شفت رجولها لقيت النشاره لاصقه في رجلها كانه غرا مااعرف ايش ذا

[relena]

كرواناتي على وضعهم الطبيعي يدخلو البياضه ويجلسو فتره ويرجعو يطلعو او واحد يطلع والثاني يدخل ودحين عالليل يدخلو كلهم مو فاهمه ؟!! أيش الي صار الصفار كان بيضه والا ايش ياليت احد يجاوبني يكون عنده خبره او قد حصل معاه نفس الي صار معاي ساعدوني ابغى افهم اذا كانت بيضه ليش اكلوها وهي لسه ماكملت لانه كان شي لزج في رجلها وماكان في اثر لقشرة البيضه