بعض المستلزمات لي سلاحف

[sakura-san]

بسم الله الرحمن الريحم

سلام عليكم ورحمت الله وبركاته


عندك سلحفاة برية وما عندك كتيير معلومات كافيه لتتعامل معها؟؟ حابب تعتني فيها وتربيها من دون متخسرها؟؟ هايا ارشادات اساسيه ومختصره لكل مبتدئ هاوي بيحب يربي سلاحف برية..,,
1) العناية والاكل:- بشكل عام السلحفاة البرية نباتيه تاكل الخضروات والفواكه والنباتات وحتى الحشرات الميته.
- سلحفاة فقست جديد بتاكل بس الخس واوراق النباتات الطرية, لانو هادا الاكل الوحيد اللي بتهضمو منيح.
- سلحفاة بالغة اكبر بالعمر ممكن انها تتاكل انواع مختلفه من الاكل ( متل البيتسا ..)
- السلاحف الكبيره تاكل الحلزونات الصغيره.
- بلع الحجارة الصغيره والبحص/ الحصى بتساعد على هضم الاكل بالمعده.
- سلحفاة باي جيل كانت لازم تاكل حتى الشبع.
- مفضل انو تنوعلها الاكل مره او مرتين خلال الاسبوع.
- ممنوع انو اتضل السلحفاه بالجوع.
- ممكن ما تشرب مي ادا اخدتو عن طريق الخضار.
- ادا ما انهت اكلها لازم تزيل البواقي وتحاول انو تقدملها الكمية اللي هي بتحتاجها.
- على طول لازم يكون معها بالمربي وجبه متوفره زياده بحال ادا شعرت بالجوع.
- بفصل الصيف, تعملها حمام وتسبحهاحتى لو مره بالاسبوع ليمتص جسمها كميه مي ويبللو من الحر, بشرط عمق المي يكون تحت مستوى فمها.
- ازالة القراد عن جسم السلحفاة بشكل مستمر بادويه خاصه ( او بملقط للحواجب)
- وقوع السلحفاة من مكان عالي ممكن يؤدي لموتها بعد باكمن يوم ( حتى لو ما بين جروح).

2) المربى:
- مفض ان يكون بالحديقه عالارض ومش بالقفص.
- ادا ما في حديقة بتستعمل صندوق بلاستيك/ خشب كبيير.
- ارضية المربى تراب ونباباتات طبيعيه.
- مفضل انو ما تحط السلحفاة مع رمل او جرايد لانو بيضايقها وبيؤذيها.
- ادا كان المرب جوات البيت لازم تستعمل لامبة للزواحف uv اللي بتعوض عن اشعة الشمس, لانو السلاحف وكل الزواحف بيحتاجو لاشعة الشمس ليتطور جسمهن.
- بالمربى لازم يكون مخبى لتتخبى فيو السلحفاه, وفتحات لتفوت فيها وتنام.
- ادا كان المربى بالحديقة برات البيت يكون في مكان مظلل لتحتمي تحتو السلحفاه من اشعة الشمس والحر.
- ادا كان المربى من خشب او بلاستيك تغطيه بشبكه ليهجمو عليهن الطيور والحيوانات




منازل السلحفاء








وانشاءالله ينال الموضوع اعجابكم

منقووووووول

[عروس الجليل]

يعطيك العافيه sakura-san.. كتيير حلو منك انو تكرر المعلومات للتذكير!
ممممممممممم ما بدي أكون شريره وائطع عليك فرحتك بافادتك للاعضاء..
بس للاسف ماما الموضوع الاصلي الكامل موجود هونا بالقسم تحت عنوان ارشادات لتربية السلاحف البرية, وهادا رابط الموضوع:

http://www.2zoo.com/vb/showthread.php?p=767355#poststop
ومع هيكا مشكووور كتييير على كلمة منقوول اللي حاططها باخر الموضوع .. لانو انا صاحبة الموضوع الاصلي.. وخيرها بغيرها

[مهووس الحيوانات]

مشكووور عالموضوع المنقول من نفس المنتدى ..

بس لازم نقدر جهدك ..

تحياتي ..

[sakura-san]

المشاركة الأصلية كتبت بواسطة عروس الجليل

يعطيك العافيه sakura-san.. كتيير حلو منك انو تكرر المعلومات للتذكير!
ممممممممممم ما بدي أكون شريره وائطع عليك فرحتك بافادتك للاعضاء..
بس للاسف ماما الموضوع الاصلي الكامل موجود هونا بالقسم تحت عنوان ارشادات لتربية السلاحف البرية, وهادا رابط الموضوع:

http://www.2zoo.com/vb/showthread.php?p=767355#poststop
ومع هيكا مشكووور كتييير على كلمة منقوول اللي حاططها باخر الموضوع .. لانو انا صاحبة الموضوع الاصلي.. وخيرها بغيرها

ههههه لا ما زعلت عادي مافيها شيه اهم حاجه انكم تكون يعني فاهمين ويعبجكم الموضوع

وانشاءالله ما تكون زعلتو مني عشان طلع علي مكرر في المنتدي بس انا ما كنت اعرف لو عرفت كنت ما سويته

[sakura-san]

المشاركة الأصلية كتبت بواسطة مهووس الحيوانات

مشكووور عالموضوع المنقول من نفس المنتدى ..

بس لازم نقدر جهدك ..

تحياتي ..

مشكووووووووور كلك زوووووووووق وسوري علي تكرار ما كنت اعرف ^^""