ابي استفسر عن تصرفات عصفوري

[ace]

بدون مقدمه,,

عصفوري فجاه يصير عصبي ويرفرف بجناحاته ويركض لي ويطق اصبعي يروعني يكون بعيد وفجاه هجم علي ويطقني كانه يطردني واذا كان في مساحه يرقى فوق اصبعي ويطقطق كم مره احاول اصوره فيديو بس يصير عاقل اول ما اجيب جوالي

تعريف عنه:
الحمد لله ماشالله عليه هو مره لطيف معي ويحبني ويركض لي اذا طلع من القفص والعب معه ومره لطيف وحبيب
عمره 5 شهور بيدخل 6
ينام على يدي ومره حبيب بس مدري وش فيه كذا ابي تفسير. ( دايما اطلعه ويحب انه يطلع كثير اذا مسكره القفص يكون معصب يبي يطلع ينزل عند الباب ينتظر واذا رحت عنه يعصببببب وينقلب بالقفص ويصير خفاش يتعلق واول ما اجي ينزل عند الباب يبي يطلع واول ما ادخل اصبعي يطقنييييييييييي كثير ورا بعض وانا ساكته يطقني وهو راقي على اصبعي (كانه يقول توك تجين زعلان يعني ) وبعدين ينبسط ويسكت ويصير حبيب

في حالتين طبعا يصير عصبي:

1- لما اجيب له بيت جديد يدخل فيه ( طبعا خارج القفص) زي اللعبه بيت يدخل جوا ويبدا يطقق ويستكشف وايضا مره جبت له بيت دهن عود له بابين افتح باب ويدخل ويطقطق منا ومناك ولما اقرب اصبعي يعصببببب ويرفرف بجناحاته ويطقطق ( علما بان هو يسوي كذا قبل ما ادخل اصبعي )
معصب ويرفرف ويطقطق قبل ما ادخل اصبعي خفت انه متضايق ولما قربت منه طقني

2- مثل ماقلت فوق لما يحب يطلع واروح واخليه <<< نادر ما اسويها لما اكون مضطره لما بنطلع والا شي ضروري دايم اتاسف له واقوله معليش بروح شوي واجي لا تزعل احط له مرايه او لعبه عشان ينبسط فيما اجي ! لو اطنش واروح احس انه يتالم وانا اشعر بالذنب

[souna]

اغلب هذه الامور طبيعية و كما فهمت منك انك دائما تخرجه من القفص لذلك اتعود بيقى خارجه حاول ابقائه حر في البيت

[ace]

قريبا راح انزل صوره له

[MoDaK-X]

مستني الصورة



يشبة عصفوري في التصرفات لو ماخرجة من القفص ياويلي


يقلب القفص

هههههههههههه

بس كسول مرةةةةة اخرجة ياكل ويلعب شوي وينام ^^

[بادجي 2009]

اخي الحركات هذي تدل عىل حبه لصاحبه

ويعيطك العافيه يالغالي

[ace]

MoDaK-X

ههههه انا احب كل عصفور يشبه حركات عصفوري
بس كسول الحين لان يمكن الجو تغير وصار ينتفش وينام ^^
انا عصفوري لما يكون قدامه مرايا .. كمان مب لازم مرايا اي شي يعكس صورته ولو قليل يقعد عنده وينام ههههه
بس لما احطه عالطاوله وفيه اكل يووه يحوس الدنيا ويقولون لي شيليه لا يوسخ اكلنا هههههه


بادجي:
يعني الرفرفه بجناحاته والعصبيه ويطقني بمنقاره يعني ترا انا احبك ؟

هههه ياحبي له

قريب ان شالله بنزل صور له لان برضو ماله ذيل مادري ليه الى الان ماطلع له طويل