مشكلة تساقط ريش الببغاء

[ya_fofo]

اخذت من صاحبي ببغاء لها عندي الان 5 ايام لكن تقريبا ما عندها ريش الا على الراس












اول يومين كانت خايفه من المكان الجديد لكن الان تعودت و تجي الى عندنا حتى تلعب و نمسح عليها و تحب الاطفال بس يا ريت احد يدلني ايش مشكلة الريش و ايش الحل و كيف ادربها تطلع على اليد

[ABU 3ZOZ]

http://youtu.be/qMnMqTszvEc
هذا فيديو للمبدع سكر يتكلم عن تساقط الريش ممكن تلقى الحل هنا


Sent from my iPhone using 2zoo.com mobile app

[hassan-55]

نتف الريش له أسباب

غالباً حاله نفسيه
عندي طير ما شاء الله سليم ونظيف جداً كان متعود يطلع برا القفص والحقيقه الفتره الاخيره ما اطلعه برا القفص
جاته حاله نفسيه صار شرس وقام ينتف ريشه وذيله ما خلى شيئ حتى المجثم قطعه وايام البرد اغطيه بطربال
قطع الطربال ما خلى شيء منه
ومع اني اهتم اهتمام كبير جداً بالطيور من ناحية النظافه كل يوم اغير الكيس حق الارضيه وانظف القاعده اغسلها اقل شي مره بالاسبوع
الحمد لله بدأ يتحسن قليل الأيام الماضيه صرت اطلعه شوي واشمسه بالحوش
واعطيه فيتامينات مع املاح
الحمد لله بدأ يطلع الذيل جديد والريش بدأ ينمو من جديد
وان شاء الله لا دفي الجو أحاول اروشه بإستمرار واشمسه

وكنت بالسابق بطير سابق كنت أحيان اروشه بالمره ، واحيان بالصبار يخلي ريش الطير يلمع ويفيده بإذن الله

نبتة الصبار رخيصه تلقاها عند المشاتل ب 5-10 ريالات
تقطع جزء منه وتغسله وتخرج الماده اللزجه داخله و تطحنها بالخلاط مثل العصير
وتخلطها بالماء وعن طريق الرشاش(المضخه) حق المياه ترش بها الطير وما تضر وتنفع بإذن الله

بالتوفيق ان شاء الله..