مشكله غريبه مع الهامستر حقي :(!!!

[Mogo]

السلام عليكم ورحمة الله وبركاته ..

انا كنت اتصفح المنتدى وشفت خبرتكم في تربية الهامستر وحبيت اقولكم قصتي ..

رحت اشتري هامستر روسي واخذت ذكر وجلس عندي شهرين او اكثر ولمن حبيت اخليه يتزاوج رحت جبت له انثى وجلست 5 ايام بس وفجاه كذا وانا نايمه اسمع صوت صياحهم فتحت القفص بشوف شفيه لقيت الانثى بفمها بيبي ;l وقاعده تركض
انا اسغربت شلون امداها تجيب بيبيز المهم رحت بسرعه وخرت الذكر اللي هو عندي من زمان (براون) ولمن خليت الانثى عند عيالها ويوم ركزت زين لقيت براون اللي جايبه بيبيز ;l يعني راعي المحل اللي شريته منه غلطان يوم يقول انه ذكر !!!!!! المهم رجعت رجعت براون للصغارها وحسيت انها عافتهم كنت ابي ارضعهم بنفسي بس سمعت انه لازم اخليهم كم يوم لوحدهم وخليته ويوم جا من بكرا رحت اشوفهم لقيت كل البيبيز ميتين وامهم مارضعتهم ..!!!!
المهم انا الحين مستغربه اول شي راعي المحل كان يقول ان براون ذكر وبعدين اول ماشريت براون كان عادي يركض ويوم جبت له الهامستر الثاني جلس يضربه وفجاه جاب بيبيز المهم اني الحين رجعت الهامستر الثاني لانه مو عاجبني ...

وبس حبيت تنصحوني اني ارجع اشتري ذكر لبراون !! او اربي هامستر صيني ؟؟



ووهذي صورتين لبراون







وشكرا

[Mad Mood]

أخطاء أصحاب المحلات كثيرة، خصوصاً اللي ما ينتج يعني بس يشتري من زبون ويبيع لزبون ثاني.

هذا درس لك.. وعشان تتأكد المرة الجاية من جنس هامسترك اسأل في أكثر من محل وتأكد ان اللي تسأله خبير في الهامستر.. أو تعلم انت طريقة التمييز تراها اكثر من سهلة

الام تنسى عيالها اذا غابت عنهم فترة فطبيعي انها تعوفهم

والصغار ما رح تقدر تساعد في تربيتهم او رضاعتهم بنفسك إلا بعد يومهم السابع أو الخامس ع الاقل

الصيني ما انصح فيه كثير عشان شكله القريب من الفأر.. الروسي أحلى وألطف

اذا انت تبي يكون عندك بيبيز تربيهم من وهم صغار خذ لها ذكر، وانا شخصياً انصحك بهالشي لأن تربية الصغار متعة ما بعدها متعة.. ولما يكبرون بيصيرون يحبونك وسالفة العض والهواش هذي ما رح يعرفونها بعد ما يكبرون يعني بيكونوا أكثر من أليفين =)

موفق

[Mogo]

مشكور اخوي الحين جبت ذكر بس اجمعهم على طول ولا. اصبر شوي لانها توها والد !! << حسيت أني شي مزعج

[Mad Mood]

العفو

لا شدعوه خذ راحتك =)

اي تقدر تجمعهم.. دام ماتوا عيالها خلاص ما هي أم

طبعا احتمال الانثى تضرب الذكر في البداية لأنها تحمي منطقتها.. هذا طبيعي

بس للاحتياط وعشان ما يكون الهواش طويل او عنيف..

امسك الذكر بيد والانثى بيد، قربهم من بعض بحيث تصير انوفهم شبه متلاصقة

خلهم على هالوضع خمس ثواني.. بحيث يشمون بعض

ثم اقلب الانثى وخل الذكر يشم اعضاءها التناسلية.. كمان خمس ثواني

وحطهم بالقفص، وبإذن الله يلقحها على طول وبدون مشاكل

أي سؤال انا تحت أمرك

[Mogo]

Thanks broo

[B0B]

دقيقة الأمر فيه لبس أكيد

مستحيل براون اذا كان انثى يحمل من دون ذكر !

يمكن أنك شريت الأنثى من المحل وهي حآمل بعدين براون يبي ياكلهم أو يحميهم أو شي فأنت فكرتهم عيال براون


أنا متاكد الموضوع فيه لبس .. ولا كيف تحمل من دون ذكر ؟ مستحيل !

أتوقع هذول عيال الانثى الي توك جبتها تلقحت في المحل وجبتها عندك وولدت

وشكرا ً

[Mad Mood]

كلام بوب صحيح يا Mogo

انا توي اركز في كلامك.. ولما كتبت الرد كتبته على تفسيرك ان براون أنثى وهي اللي والدة

لكن على افتراض ان براون انثى لها شهرين عندك، واللي شريتها من 5 ايام ذكر.. فعلاً ما يمدي براون تحمل وتولد في 5 ايام!

براون الظاهر انه ذكر.. واللي شريتها انثى حامل لها اسبوعين وولدت عندك

ارجع بهامستراتك كلها للسوق وخل واحد يأكد لك الذكر من الأنثى.. لأن شكل اللي صفي عندك اثنين ذكور!

وخله بالمرة يوريك الفرق بين الذكر والانثى عشان تميز بنفسك مستقبلاً

شكراً بوب، وأعتذر عن الخطأ Mogo

[Mogo]

بس أنا تأكدت ان برون أنثى وحتى وديتها بيطري وااكد لي هالشي وحتى أني تذكرت انها قبل لا تولد كان فيها خمول ولا تلعب بالجهل ولاشي يعني كل مواصفات الحمل انطبقت عليها
والحين جبت لها ذكر جديد و وديته بيطري وأكد لي انه ذكر
بس اللي انامستغربه منها كيف كذا فجأه حملت !!!
وأول ماجبتها كان حجمها صغير فجأه انتفخت وفجأه كل شي :/
واللي تقوله يا اخوي انه الهامستر الثانيه ولدت عندي مسسسسستحيل لان بطنها مؤ منفوخ وكانت كثيرة حركة وتلعب كثير. ويا اخ بوب أنا حططيت الهامستر الثاني على أساس انه أنثى بس كان يخبيهم ولمن شفت برااون من تحت لقيت كلها دم وحاجات زي كذا يعني أثبتت انها هي الام
يمكن اول ماجبت براون كانت توها ملقحة ؟!!!

[Mogo]

بالعججله * <<< مو الجهل ;/

[Bedor]

اي بس مستحيل تتلقح وتحمل وتولد بخمس ايام

اكيد مثل ما قال bad mood ان الهمستر اللي جبتيها من خمس ايام انثى تلقحت وحملت بالمحل بس ولدت عندج

ومومشكله تكون براون انثى دام ان البيطري قالج

والحين عندج الانثى براون والذكر اللي جبتيه انشالله تشوفين عيالهم بالمستقبل

موفقه