والله وهقه...

[عبيطه حدي]

السلام عليكم ورحمه الله وبركاته
انا عندي قطوه صغيره لقيتهاا بحوشناا
امهاا اولدتهاا وراحت وماردت
المشكله اني ما اعرف اتعامل معاهاا لأنها ليلحين ما افتحت عيناا
شلون بتاكل واشلون بتشرب
وما اعرف شنو اعطيهاا ووين احطهاا وشنو الجو المناسب لهاا
وتكفون ساعدوني لاني ما ابيهاا تموت

[dr.alhomsey]

السلام عليكم .......

اختي اول شي خلينا نبدا بالاكل مامره مسكتي ولد صغير وربيتيه تقريبا نفس الطريقه
لا تفهميني خطأ لاترضعيها من عندك لالالالالالالالالا

جيبي رضاعه تبعيت الولاد الصغار وحطيها بفمها وحطي جواتها اما ماء او حليب والجو المناسب هو جو البيت المناسب لإلك يعني عمر القطه يادوب كم يوم بدها تقريبا اسبوع لتفتح عيونها

ان شاء الله كون افدتك .......... واذا حبيتي التواصل على (alhomsey18_5@hotmail.com

[dr.alhomsey]

السلام عليكم.....
نسيت اقول تكون الرضاعه صغيره يعني مناسبه لفم القطه
وشي تاني انو تجيبي قطنه وتمسحي فيها بماء دافي على شرج القطه لكي يساعدها على التبول والبراز ولا تنسي يكون الحليب او اللبن البقري قليل الدسم وهذا الاهتمام يكون كل 4 الى
6ساعات.....

[عبيطه حدي]

اهي حيل صغيره اليوم يمكن أولدتهاا أنا لقيتهاا الفير

حته لو اييب اصغر رضاعه مرح إتش حلجهاا
رح استخدم قطاره الأنف
رح افرغهاا وأغسلهاا عدل بعدين احطهاا بماي حار عشان يشيل اي بقياا فيها
بعدين لمه تدفاا بحط حليب واشربهاا بس اهي حييل تصارخ مادري ليش ...؟

مته يصير عادي اوكلهاااا
وشنو اوكلهاا

[عبيطه حدي]

وشنو الطريقه الي اقدر اخليها تستانس مثلاا الألعاب او شي جذي

[sisi_moon]

هلاا عبيييطه

شوفي حبيبتي

كلام دكتور الهومسي كله سح

وانتي يوم بتاخذين القطاره اييي سح

لان الصغار يجي فمهم مرررررره صغير

المهم وشربيها شوي شوي يعني قطرة قطرة مو كل مره وحدة تخلينها تشرق

واهم شي طريقه الماي الدافي على فتحه الاخرااج عشان تخرج مايظل الاكل في بطنها ويجيها شي

وعطيها اكل اذا صار عمرها شهر

عطيها دراي فود للكيتين

ودجااج مسلووق

وزباادي

وبطاطس مسلوووق

واكل رطب للكيتين برضوو

اما الالعاب

شوفي قلبوو القطاوة كل شي يلعبون فيه

عطيها كورة ولا خيط ولا حبل ولا كرتوونه ولا كيسه وهي تنسى اهلها يوم تشوفهم

واذا تبين تروحين محلات متخصصه للالعااب اي رووحي في العاب مسليه كثيييير لهم

وبس

واتمنى اكون افدتـــــــك .. سي يااا

وطمنينا عليها

[عبيطه حدي]

مشكوره حياتي
فديتج والله
ثينكيو ..أنقذتوني لوول

[() 3bood ()]

هااي عبوطه
القطوه اهياا مالت شارع صح
و لا تحطينهاا بالبيت لانهاا نحمل جراثيم
و نفس ماقلتي قطاره .. او روحي للطبيب اخذي الابره مالت اليهاال الي يشربونهم فيهم دواا
و حطيلهاا حليب داافي
و انشاله تفتح عيونهاا
و تقدرين تلعبين و تستانسين معاها

[قطو_Q8te]

السلام عليكم
ياريت تذكرين نوع القطه الي تم العثور عليها
وبشري شنو اخر التطورات؟

[عبيطه حدي]

المشاركة الأصلية كتبت بواسطة ** عبدالله **

هااي عبوطه
القطوه اهياا مالت شارع صح
و لا تحطينهاا بالبيت لانهاا نحمل جراثيم
و نفس ماقلتي قطاره .. او روحي للطبيب اخذي الابره مالت اليهاال الي يشربونهم فيهم دواا
و حطيلهاا حليب داافي
و انشاله تفتح عيونهاا
و تقدرين تلعبين و تستانسين معاها

لوول بس ما اقدر اخليهاا بره لأنه فيه قطاوه كلوا اخوانهاا الصغار
عشان جذي امهم راحت عبالهاا كلهم ماتوا بس احنا لحقنا عليهاا
اذا كانت المشكله بالجراثيم عادي نسبحهاا