صابحة لقب ملكة عوانس تو زوو لعام 2007 -_- ! ...

[رعوود]

هايوز

شلونكم؟

ان شاء الله تمام

بالبداية كيف تجهيزكم للمدارس خصوصا ناس السعوديه بكرا دوام

ونااااااااااااااااااااااااااااااااااااااااسه

بالنسبة للموضوع

طبعا اكيد عرفتو عن مين اتكلم

عن كويني

وفيه غيرها

كويني انثى هملايا مون فيس تابي شوكليت بوينت

مع عيون سماويه وبؤبؤ عودي يخققون

حصلت على لقب

[ ملكة عوانس تو زوو لعام 2007 ]

وهذي قصتها مع المعاريس بالترتيب


العريس الاول باسم [ لورد ]
وبعد ما انتظرنا وقت طويل وكم مره تطلب التزاوج والا البارد لورد طلع ما يعرف يلقح ولا فكر حتى
قلنا نغير العريس

العريس الثاني باسم [ ابو سيمبا الرياض ]
وبعد ما اتفقت ما صاحبه وخلاص ما بقي الا موعد التزاوج العريس الثاني انباع

العريس الثالث باسم [ سيمبا الهفوف ]
ولما كنت اسولف مع صاحبته عشان التزاوج قالت لي انا بالهفوف فتكنسل الموضوع

العريس الرابع باسم [ غير معروف الهوية ]
قطو شيرازي لونه شادد سلفر مره حلو لكن للاسف طلع بمكه

العريس الخامس باسم [ نودي ]
هملايا فلات فيس مره رائع لكن للاسف حصلت ظروف لصاحبه وتكنسل الزواج وفصخو الخطبه

العريس السادس باسم [ بيني ]
شيرازي فلات فيس لونه تابي احمر هذا لما اتصلت على صاحبه عشان التزاوج قال لي انا مو بالرياض انا مسافر الجنوب مو جاي الا على رمضان

العريس السابع باسم [ ساندر ]
شرازي مون فيس لون كريمي الظل الصدفي مره روعه وموجود لكن الكل قالو انتاجهم بيطلع مو حلو والوان غامقه وكنسلت

العريس الثامين باسم [ سيمبا الرياض ]
ولد ابو سيما هملايا سيل بوينت مون فيس <<خلصو من الابو راحو للولد
قعدت انتظر عشان اتفق مع صاحبته للتزاوج لكن جا صاحبي واخذ كويني عشان يوديها تتزاوج مع ذكر بيكي فيس هملايا فتكنسل التزاوج من سيمبا الرياض

العريس التاسع باسم [ مجهول ]
لحد الحين نتصل على صاحب البيكي يقول طيب لكنه ناسي فاليوم قررنا نروح لعنده دعواتكم نحصله موجود



وترا هالقصه صحيحه كلها 100%

عارف بتضحكون لكن هذي الحقيقة

كويني حظها زفت مع المعاريس

وفيه عرسان من البداية جو قالولي احنا بجده او بالشرقية لكن الرياض ما حصلت بالمره -_-

دعواتكم ينفع عريس البيكي فيس وافتك وارتاح


وهذي صور ملكة العوانس قولو ما شاء الله



ما شاء الله



ما شاء الله



ما شاء الله



ما شاء الله

بالله هالقمر ما تستاهل احلى عريس ؟

لكن حظها زفت

باركولها بلقبها الجديد

ونشوفكم على خير باخر مستجدات عرسان الباباي تبع كويني

تجياتي

رعوود

بايوز