استفسارات عن سلوكيات في قطتي

[MR.Fahd]

السلام عليكم ، كيف حالك الجميع ؟


مممم عندي قطه هملايا شوكليت عمرها تقريبا أقل من السنة بشوي

عندها شويه سلوكيات ابي اسأل عنها ، هل هي طبيعية ؟ أو فيه إشكال !

أول شئ ، الاحظها تماوي في أوقات وأماكن غريبة ، مثلا تروح جهه الليتر بوكس حقها وتماوي بطريقة غريبة ( طبعا الليتر في حمام أكرمكم الله قليل الاستعمال بالنسبة لنا )
كأنها تشتكي أو تبغى شئ لما أروح عندها القى كل شئ طبيعي ولا أحسها تبي شئ ( م أدري هي شقاوة أو دلع أو ايش ) ، كمان احيانا تماوي بصوت عالي وبشكل شوية غريب اروح عندها القاها تطالع بالسقف أو الجدر وكأنها خايفه من شئ ، م ادري ايش فيها ؟!!

+ القطه جدا حبوبة وحلوة ولعوبة ، لكنها جدا قلقة مثلا لما تسمع صوت طقطقة اي شئ تخاف وتحاول تدور الصوت بكل تركيز وحذر ، كمان لما تسمع خطوات احد يمشي من بعيد تقلق وتحاول تدور الصوت بكل تركيز وحذر .

مممم كمان برضو عندها تساقط شعر بشكل كثيف وديتها للبيطري قالي قطتك م ينفع أعطيها الأبره حقت التساقط لأن التساقط راح يرجع بحكم أن قطتك جدا قلقة وتخاف من أي شئ ( رغم أنها جدا دلوعه في البيت والكل يهتم فيها ) وكل م خافت من شئ راح يرجع التساقط

فأبي حل للتساقط وشرح للسلوكيات حقتها هل هي طبيعيه أو تبي شئ وانا مو عارفه !