شريت روز هولندي عمر شهرين وعندي كم استفسار

[ALaWi xX]

السلام عليكم ..

اول شي باركولي شريت روز عمره شهرين غر ..

المهم عندي كم استفسار عنه وياليت القى اجابات :

- الطير احسه خامل .. مادري هل السبب لصغر سنه او حاجة ثانية .. بس وش المأكولات اللي تزيد نشاط وحيوية الطائر ؟

- عيون الطير اليسار دائما يغمضها ويحكها .. والعيون كمظهر مافيها شي لكن اشوفه دائما يسكرها ويحك فيها .. اما لعيون اليمين مافيها شي

- الطير حجمه صغير جدا مقارنة بباقي الطيور من نفس النوع .. هل اذا كبر يكبر حجمه او خلاص هذا حجمه ؟ .. اذا كان هذا حجمه يعني قزم

- هل اقدر ادربه ؟ يعني مثلا اناديه بإسمه ويجيني .. اذا قلت له اركب يصعد فوق يدي .. اذا قلت له راسك ينزله ..... الخ


وبس هذا الا عندي والله يعطيكم العافية

[ALaWi xX]

افااا .. 20 مشاهدة ولا رد واحد ؟

للأسف القسم من اكثر الاقسام خمولاً ..

[الامل]

هلا اخوي
عقبال ماتكون مواضيعك وتجاربك تملى القسم ومايكون خامل
راح اعطيك خلفيه ياخوي اذا جيت تنزل موضوع بقسم سوال وجواب ياليت لو تنزل معه صور عشان اناس يقدرون يقررون لك ويعطونك نصايحهم
وبعدين اذانت تشوف اطير خامل جرب فيتامين اسمه فيماكات مرره حلو عطيه نقطتين بالمشربيه
واذا كان غر حطه نقطتين داخل الخلطه لمدة خمس ايام مره وحده بالشهر لمدة ثلاث شهور وباذن الله قدامه العافيه وراح تشوفه تحسن

[rasrmany1]

قسم الموضوع سؤال وجواب
ادا كان خامل ضع له الليمون في الماء ادا لم يكن كبير في السن وعرضه الى اشعة الشمس بعض الوقت

[ALaWi xX]

شباب تكفون الطير مرة خامل وكله ينام

وش فيه ؟

والله يضيق الخلق .. انا شريت الروز لأنه مرح ويحب يلعب واخر شي يطلع ابو نوم

والله حطي مع لطيور مخيس .. اول شي الكاسكو والحين ذا