اسهال دم .. انا خايفه ساعدوني الله يوفقكم

[sweet_cat]

القط الي تكلمت عنه من قبل و كان عندة حرارة و ممتنع عن الاكل و ياخذ بيتاموكس و اعطاة البيطري ابرتين

تحسن شوي اليوم و شربته ماي بالسرنجه و نقعت شويه دراي فود رويال للكيتين بماي واخذت الماي تقريبا 5 ملل و شربته

الحين اسهل مرتين بكميه قليله جدا بس كلها دم .. اول مرة اشوف كذا وش الحل ساعدوني وربي تعبت من يوم السبت لليوم ما ارتحت من خوفي عليه

اليوم ماشاء الله نشيط شوي بس و شسالفة هالدم ؟؟؟ ساعدوني الله يوفقكم

على فكرة انا عرضته للتبني بالمنتدى من شوي !!

[sweet_cat]

نسيت اذكر انه يستفرغ كثير سايل اصفر و البيطري قال بسبب الحرارة
البارحه استفرغ اكثر و اكثر يمكن سبع مرات بس اليوم الحمدلله ما سواها بس هلاسهال الي فجأة صار !!!
و بعدين انا ملاحظه انه يبي يشرب ماي بشكل متواصل بس ما يعرف كيف يشرب و كذا مرة حاول يشرب من الحمام !!

[تشابي]

مااعرف والله إن شاء الله الاعضاء الباقين يفيدونك وإن شاء الله يتحسن

[قطوووتي]

اختي الدم من كثرة الاسهال اعطيه انتيتال 2سم واذا مافيه اعطيه فيلاجيل
وبالنسبة للاستفراغ الاصفر يدل على البرد دفيه واعطيه زبادي قليل الدسم مع رز مصري يمسك بطنه واعطيه مهلبيه مع 4 ملاعق نشا

[sweet_cat]

يعني حالته مو خطيرة الحمدلله ياربي و الله يجزاك خير و يجعله في موازين حسناتك ان شاء الله

طيب بحاول اجيب الدوا اليوم و ان شاء الله خير

غريبه !!! والله مدفيه المكان و مريحه القطو ع الاخر بس الي لاحظته انه يحب ينام في الاماكن الي فيها بلاط او رخام

بس يصحى من النوم بحاول اعطيه نفس الاكل الي قلتي عليه + الدوا

مشكورين خواتي الي ردو

[عاشقة قطوتها]

يارب ياحي ياقيوم انك تشفيه وتعافيه ومايجي بكره الا وهو مافيه الا العافيه والصحه ياااارب ..وتشوفينه يكبر قدام عينك ..قلبي بنصحك نصيحه انا ياما جربتها مع ارانبي سابقاا وقططي الي راحوا ..كان كل ماحسيتهم تعبانين وكذا وماحد راضي يوديهم الدكتور امسد على جسمهم واقرأ عليهم ..مافى احلى من علاج ربي ..بس اول شيء دفيه واعطيه زبادي زي ماقالت الاخت ..واقرأي عليه كمان ..طمنينا عليه بليز ^_^

[شاهستا]

الاسهال اكليه دراى فود وبطاطس مسلوقه ودجاج مسلوق
ووقفى منتجات الحليب زلازم تديله محلول جفاف بيبى لايت هتلاقيه فى الصيدليه البشريه
ولو مش موجود تقدرى تستخدمى المايه وتحطى عليها عسل
وتشربيه منها بالسرنجه عشان يعوض الجفاف الى عنده

ولو استفرغ تانى تقدرى تديله موتيليوم من الصيدليه البشريه بردو لاطفال
وياريت عمر القط اد ايه عشان اكتبلك مقدار الدوا

[sweet_cat]

المشاركة الأصلية كتبت بواسطة عاشقة قطوتها

يارب ياحي ياقيوم انك تشفيه وتعافيه ومايجي بكره الا وهو مافيه الا العافيه والصحه ياااارب ..وتشوفينه يكبر قدام عينك ..قلبي بنصحك نصيحه انا ياما جربتها مع ارانبي سابقاا وقططي الي راحوا ..كان كل ماحسيتهم تعبانين وكذا وماحد راضي يوديهم الدكتور امسد على جسمهم واقرأ عليهم ..مافى احلى من علاج ربي ..بس اول شيء دفيه واعطيه زبادي زي ماقالت الاخت ..واقرأي عليه كمان ..طمنينا عليه بليز ^_^

اللهم امين .. يارب يسعد قلبك و يستر عليك و يوفقك ان شاء الله .. والنعم بالله وانا املي بالله كبير

الحمدلله تحسن شوي . اكلته شووي زبادي منزوع الدسم و شربته ماي و الحمدلله لحد الآن ما اسفرغ والا اسهل الا مرة وحدة من اخر مرة كتبت فيها الرد

مشكورة يا غاليه على النصيحه و مشكورين كل الي ردو

[sweet_cat]

المشاركة الأصلية كتبت بواسطة شاهستا

الاسهال اكليه دراى فود وبطاطس مسلوقه ودجاج مسلوق
ووقفى منتجات الحليب زلازم تديله محلول جفاف بيبى لايت هتلاقيه فى الصيدليه البشريه
ولو مش موجود تقدرى تستخدمى المايه وتحطى عليها عسل
وتشربيه منها بالسرنجه عشان يعوض الجفاف الى عنده

ولو استفرغ تانى تقدرى تديله موتيليوم من الصيدليه البشريه بردو لاطفال
وياريت عمر القط اد ايه عشان اكتبلك مقدار الدوا

ما ياكل اختي نهائي بس انا احاول اعطيه بالسرنجه مويه الدراي فود و المويه العاديه والزبادي المنزوع الدسم و الحمدلله فيه تحسن بسيط بس صارله 3 ايام ما اكل و لا اعرف شو نظامه الغذائي قبل لا اخذة وبالنسبه لعمرة شكله 5 شهور و يمكن 6 و البيطري يقول احتمال عمرة 6 شهور
و مناعته ضعيفه لانه ما اخذ تطعيمات
طبيب ثاني قالي لازم ياخذ محلول و ربي يسهلها واقدر اوديه بكرة ان شاء الله

يعني ما اعطيه زبادي منزوع الدسم.. ممكن اسلق خضار ورز و اشربه المويه ...

مشكورة يا غاليه

[sweet_cat]

بعد ما كتبت الرد استفرغ نفس المادة الصفرا قولولي عن حاجه ممكن استخدمها بالبيت و توقف الاستفراغ لانه مافيه امل اروح الصيدليه الليله الله يوفقكم انا تعبت نفسيا