اسئلة بخصوص اول فرخ

[h_fares el nour]

السلام عليكم ورحمة الله وبركاته

عندي جوز عصافير تحته 4 بيضات

النهاردة بافتح العش لقيت بيضة مكسورة لكن بعد ماشوفت شوية لقيت صوت بسيط طالع ولقيت فرخ وسط البيض صغير جدا

ودا يعتبر اول فرخ من اكتر من سنتين من اول مابدأت اربي عصافير الحمد لله

لكن للاسف بعدها بشوية بافتح العش تاني (( فضول )) وقعت بيضة على الارض واتكسرت

عندي اسئلة ..

1- البيضة اللي اتكسرت ممكن تأثر على باقي البيض ومايفقسش ؟؟

2- العصافير ممكن يزعلوا على البيضة اللي اتكسرت ويأثر على باقي البيض او يرموه ؟؟

3- اعمل ايه في فتح العش ولا ماافتحهوش خالص ؟؟

4- احطلهم اكل ايه بالظبط دلوقتي واحطلهم حاجة في المية ولا لا ؟؟

5- بالنسبة للنور .. هل ممكن يأكلوا الفرخ في الظلام يعني عادي ؟؟ ولا لازم ضوء ضروري ؟؟ يعني اعاملهم نفس المعاملة لما كانوا بايضين ولا معاملة مختلفة بالنسبة للضوء ؟؟

6- كام يوم ويبدأ الفرخ يخرج من العش ؟؟

7- ولو فيه نصائح ياريت لان دا اول فرخ ليا وماعنديش خبرة كبيرة


منتظر ردودكم ..