●ْ [ ڜعَ’ـړ ٱڵڪڵب ۆٱڵعًـًـًڼٱ ٱ ٱ ېـًـًـً’ـۂ بْـًـًۂ ] ْ●

[كـش مـلك]

" العنايه بفروة وشعر الكلب "


يمكن تقولون تمشيط شعر الكلب شي سهل او مو مهم؟
ومايحتاج شرح !

انا كنت اقول كذا برضو...
لكن مع الوقت اكتشفت انه شي مهم جداً

مع اختيار نوع المشط والفُرشه المناسبه حسب طول الشعر,,
واختيار الوقت المناسب ,,

علشان مانتعذب ونكره التمشيط احنا والكلب




فلازم يكون التمشيط وقت ممتع لك ولكلبك

(انا مثلاً ماكنت اتخيل انه حيجي يوم اذا طلعت الفرشايه والمشط وشافها الكلب
يفرح ويشمها وينطنط ويرجع ويشمها مبسوط انه وقت التمشيط وبعدين يجي
يتدلع علي وانا امشطه ويجلس ويتقلب ويعطيني الاماكن اللي ابي امشطها
ويستمتع لغاية ما اخلص ..واكيد اتكلم معاه وانا امشطه وهو ينبسط ويستانس )

واذا خلصت يجري وراي يبغى زياده بس اناخلاص مااعطيه وجه
اذا ما كان كلبك يحب التمشيط اختار الوقت لما تشوف الكلب تعبان من الجري
او اللعب او لما يكون فيه النوم وهو الوقت المناسب لانك رح تاخذ راحتك
وانت تشيك على اشياء كثير في جسم الكلب

واذا كان الكلب مافيه نوم ونشيط وحاب تمشطه جيبه يجلس قدامك وخليك
لطيف معه وحازم في نفس الوقت

وخليك انت المسيطر مو يروح الكلب وانت تتركه على كيفه وتقول بمشطه
يوم ثاني لاااا لانه رح يتعود ويكررها كل مره وحيكون هو المسيطر..
ومره عن مره حتلاقي انه صار يحب التمشيط ...
اول مره لاتقضي وقت طويل في التمشيط
وكل مره اقضي وقت اطول شوي ..

وبعد ما تخلص ارمي له كوره واجري معه ولعبه شوي بس..
واذا مالك مزاج ممكن تعطيه حبة بسكوت صغيره خاص للكلاب
واختار النوع المفيد للاسنان ..
او عظام تنظيف الاسنان المخصصه للكلاب..

نرجع لموضوعنا..دايم انا اشطح عن الموضوع

انواع الفرش والامشاط واستخداماتها
واختيار الحجم المناسب لحجم الكلب

1-


2-



أولاٍ : للشعر القصيرجداً الناعم نستخدم الفٌرشه المطاط





او الفرشايه اللي اسنانها مثل الشعر القاسي



ومو لانه قصير جداً مايحتاج تمشيط لا بالعكس يحتاج تمشيط مره
او مرتين في الاسبوع وعلشان يشيل الشعر الميت العالق على جسمه

وايضاً لان في فروة الكلب يوجد زيوت لما تمشطه تنشط الفروه
وتوزع الزيت على جسمه ويطلع((شكله حلو ويلمع))
وطبقة الزيت ماتبين لما تلمس الكلب ما تحس بالزيت يعني مثل
البط عليه طبقة زيت تحميه فوق الجلد سبحان الله ..

والكلب هذا ما يحتاج تحممه بالماء والشامبو الا للضروره فقط
يعني اذا تحس انه وسخ وله ريحه كريهه لانك اذا حممته كثير بالشامبو
تخَسره الزيت اللي عليه..
فيكفي انك تمشطه كويس و تجيب فوطه صغيره وتبللها ماء وتمسح
عليه..بدل ما تحممه.

ثانياً : الشعر القصير العادي يحتاج تمشيط مرتين في الاسبوع

ونفس الشي بتلاحظ انه اصبح نظيف ويلمع من توزيع الزيوت
وتنشيط الفروه


وايضاً نستخدم هذه الفرشه في الصوره اللي تحت
لفك العقد الموجوده في الشعر في حال وجود عقد..



ثالثاً الشعر الطويل : يحتاج للعنايه والتمشيط اليومي بالفرشايه
اللي اسنانها شعر قاسي واذا لاحظت عقد شعر تحاول تفكفكها بالمشط
الفولاذ اللي اسنانه متباعده
( ولا تمشط العقده من البدايه) من عند الجلد لااااا بالعكس مشطها من
نهاية الخصله المعقده شوي شوي لغاية ماتوصل لبدايتها

ولما تجي تمشط بالمشط مو تضغط بقوه عالفروه لااااااااا
المفروض تمشط الشعر من غير ما تغرس المشط على الجلد
ومن غير ماتشد الشعر لبرا لااااا المفروض تمشطه على تحت




رابعاً : الشعر الطويل (الكيرلي) او الكثير المنفوش تمشطه
بالفرشايه الفولاذ والمشط الفولاذ اللي اسنانه متباعده
مدوره






وممكن تقصقص الشعر اللي تحت في رجوله..
الشعر اللي وهو يمشي يدوس عليه
(( مو الشعر اللي بين الاصابع والاظافر من فوق لااااا ))..

يعني ترفع الرجل وتقلبها لفوق تشوف اذا شعرها طويل!!
واذا طوله عادي لا تقصهاااا ..
لان الشعر اللي يوطي عليه وهو يمشي ممكن يمشي على اماكن
رطبه وبسبب طول الشعر ماتجف بسرعه ويسبب طفيليات ..

او ممكن تكتفي انك تشيك علي هالمنطقه دايم
وتتأكد انها نظيفه وسليمه وجافه..



((( والآن احب اضيف شي مهم جداً )))

وهو اثناء التمشيط تتفقد الجلده تشوف فيها شي ؟
جروح ,حشرات,أي شيء غير طبيعي

وتتفخص الاذنين وخلفها وحواليها لايكون فيه حشرات,
وتشوف جوا الاذن نظيف ولا وسخ ؟ فيها ريحه ؟
واذا فيها ريحه لازم توديه للدكتور ضروري يعطيه العلاج لان
يكون فيها التهاب وزي الحشرات الصغبره مره ..
وانتبه لا يدخل في اذن الكلب ماء في حال كنت تحممه.
و
تفقد فهمه شوف اسنانه نظيفه بيضاء واللثه تكون صحيه
و
شوف تحت العيون وحواليها
و
شوف الاظافر وبين الاصابع لايكون فيه حشرات او جرح او التهاب
او الاظافر تحتاج قص او تقليم..

ولا تفكر انك تقصقص اظافره بنفسك لان اظافر الكلب فيها عرق او وريد ..
واحتمال بالغلط تقطعه ورح يتألم الكلب ألم شديد جداً وينزف دم بغزاره
اترك هذه المهمه للدكتور



والآآآآآآآآآآآآن

بيدك تمسح عليه .. على اذنيه ..وجهه .. رقبته.. ظهره بطنه
بالعربي كل مكان
كأنك تعمل له (( ماساج))
بهذه الطريقه رح تتحسس بيدك في حال وجود اورام او ورمه صغيره
ماتبان الا باللمس بشكل جيد او جروح صغيره بين الشعر

وانا حصلت معي وجدت ورمه صغيره جداً في كلبي وانا امسح عليه
واتفقده جيداً وهو نايم مع اني شكيت تكون ورمه او لا..
لأنها صغيره جداً كأنها عضله..وفعلاً اخذته للدكتور.. وعمل اللازم..

يمكن انا كلامي كثييييييييييييير بس الشغله ماتاخذ وقت طويل
وهو كمان حسب كلبك اذا في مكان نظيف مارح يحتاج عنايه ووقت كثير!

...
والآن
ياويلي شكلي احب اللت واعجن كثير



معليش احب اكتب ملخص بشكل نقاط


اولاً :- المفروض يكون وقت التمشيط والعنايه وقت ممتع لك ولكلبك
ووقت للحب والحنان ...والتقارب بينكم وكسر الحواجز

وقت التمشيط :- اذا كلبك مو مطيع يفضًل اختيار وقت الكلب يكون
مكسل ونعسان

التمشيط :- يكون تمشيط كل جزء في جسمه ابتداءً من اذنيه لآخر
اظافره ولا تترك ولا جزء صغير ..

ويفضل الفرشايه اللي اسنانها الشعر الطبيعي القاسي لكل يوم او غالباً

اثناء التمشيط :- تفقد الاذنين, الاظافر, العيون, الاسنان,الذيل
اخر شيء :- عمل مساج باليد لــ تفقد الاورام والجروح
او فراغات في الشعر




والتمشيط مهم ولو مره وحده في الاسبوع
والتمشيط بالطريقه الصحيحه مفيد وضروري
والتمشيط بطريقه خطأ افضل من عدم التمشيط يالمره

والان

جبت لكم بعض المقاطع عن طريقةة التمشيط الصحيحةة

1-

http://www.youtube.com/watch?v=RxRZ35iJD6c

2-


http://www.youtube.com/watch?v=TBtbVlUjeMo



وهذا مقطع شطحــه بسس والله حلوو

هذا عن التروويش ومش عارف ايه بسس شوفوو


http://www.youtube.com/watch?v=JBwkmmx_ohM&feature=related



الموضووع والله

منقوول ومعدل