..؛ ( تعـاني من قطـكـِـِ أثنـاء تمشيـطهـ .. هنـِـِـِا الحـل ) ؛..

[sisi_moon]

مــرحبا هـــواه القطط ..

كثير منا يتعب من شغـب قطاوته وقت التمشيـط

وأنا أولكم .. الي عندي ولا بـطل جمباز لما أمشطه

أحسه معلق بالهوا وأحد يلعب فيـه من فوق من كثر ماينقـز .,. مو طبيـــــعي أبد

وصعـب جدا أهمل تمشيطه لان شعره شوي تعبان ومحتـاج عنايه

سويت طريقه معـاه .. ونفعتني حيل وصـار أهدى بكثييير وقت تمشيطه .. وحبيت أفيدكم فيـها

الطريـقه هي ..

لازم قططكم تكون توهـا صاحيه من النوم وجوعـانه ..

انتبهوا لازم توهم صاحيين من النوم وجوعانين .. لان جوعان ومصحصح بيتعبكم أكثر

وتوه صاحي من النوم وشبعـان .. مراح يتجاوب معكم

المهم قبل لاتاخذه تكون جايب صحن دراي فود

خذه وحطه بحظـنك وإبدا بتمشيطه .. شفته بدا يشـاغب ولا يعض .. أعطيه حبه دراي فود بيدك

وارجع مشطه .. ولا رجع يشاغب ولا يعض .. أعطيه حبه دراي فود بعد ..

وكــذا الين ماتخلص تمشيطه ..

أو فيك تحطه بحظنك ويصير هو معطيك ظهره .. وحط كميــــــه من الدراي فود بيدك الثانيه وحطها عند فمه وهو بينشغل بالأكل وانت خذ وقتك بالتمشيـط .. بترتاااحون كثيــــر بهالطريقه وقت تمشيط الظهر والجوانب ..

وابتعدوا عن الصـراخ وقت التمشيط .. لان مع الصراخ بيعاندون أكثرر وبيصيرون متعبين أكثر و أكثر .. خليكم معهم هاديين ونادوهم وكلموهم بهـدووء .. لان الكلام بصوت واطي معهم له تأثير إيجـابي .. ويصير أهـدى بعكس الصرراخ

ولا خلصـت أعطيه وجبته كامله .. سواء كانت بقايا الدراي فود او دجاج أو أي شي ..

بكـذا ارتبط عنده وقت التمشيط بالأكل .. وراح يكون أهدى .. وشغبه قـليـل .. > عن تجـربه

وبـس ..

وراح أعطيكم جدولي بعنايه شعر إيما عشان لو احد منكم شعر قطوته تعبان و حاب يطبقه .. طبعا كلها معلومات عارفينـها بس انا جمتعهم كلهم مع بعـض

الأكل دجاج مسلوق مع خضار وجبه أساسيه + دراي فود رويال كانون بين الوجبات

مع كل وجبه دجاج ثلاث نقاط زيت زيتون

مرتين بالأسبوع أعطيه زيت كبد الحوت مقدار ملعقه صغيره

وقت التحميـم أضيف شوووويه زيت زيتون ويا الشـامبو

والتمشيط طبعا حـاولوا انه يصير بشكل يـومي ..

والحمدلله فيه تحسـن .. وان شاءالله شعره يصير تــووب .. ^^

وجـاري البحث عن فيـتامين لافيتـا لان قريت انه كثييييير مفيد للشعر

بالتوفيق حبايبي ..