ببغاني مايصفــر قدامي ولا تعود علي :(

[زينه ونحول]

هلا .. ..

دوبي راجعــه من الاختبار وكان مررره زفت .. ..

مو مهم ..

ببغاني من يوم اشتريته ماصفر غير مره وحده .. ومو قدامي ..

صبرت عليه ومر اسبوع ع الببغان عندي .. خليت اخواني يصفروا قدامو بس ماصفر برضو ..
قلت اصبر عليه ..

امس الساعه اربعه الفجر قررت ازاكر .. وجلست برا في الصاله .. تحت قفصو جلست ازاكر ..

خلصت مزاكره ودخلت انام .. وماجاني النوم . مرت عشره دقايق وسمعته يصفرررر تصفييير وااااضح ..

وانا عاد ماصدقت اشوفه يصفر طلعت جري اشوفه .. سكت ومارضي يصفر مره تانيه ..


..

جا الصباح الساعه تسعه .. اخويه الصغير جالس بالصاله ياكل كان .. وسمع الببغان يصفر قدامو ..

ونفس الشي اليوم الصباح .. صفر قدام اخويا الصغير مو قدامي .. لأني كنت بالجامعه مع اني كنت جالسه عنده قبل لا أروح الجامعه ..


ابدددن .. ولا حتى يخليني احك راسو .. ولا عمره وقف فوق يدي ..

صحيح انه ياكل من يدي ماشالله وانه مايعضني .. بس برضو ..

متى بيتعود علييي ..

____________________

مو بس كده

ببغاني مايبغى القفص حقه .. ومايوقف فوق عصايته بالقفص ..

بس يبغى يجلس بغرفة التلفزيون عشان يجلس تحت الدولاب حق التلفزيون ( لأنو دولاب التلفزيون من تحتــه في عصايه زي العصايه حقته اللي بالقفص وهو يحبها هناك )
بس انا مابغاه يجلس هناك لانو هناك برد عليه ولانو بيتعود عليهم وبيولف على اخواني لانهم مشغلين السوني ومقابلين وجهه اربع وعشرين ساعه ..

_________________

كيف اخليه يصفر وانا جالسه عنده .. بصراحه انا ماأعرف اصفر .. بس مو لازم اصفر قدامه صح ؟؟



+ عشان انا ماأعرف اصفر قدامه .. ابغى مقاطع لأصوات عصافير وتصفير عشان اسمعه واعوده ..

+

كيف مااخليه يحاول يفتح القفص ؟ لأنه لمن ادخله القفص يتسلق بالقفص ويحاول يفتحه وسوا زي ماسوا ببغان ياسين صار شكل القفص في فراغ من فوق اخاف يجرا له شي ؟؟

وكمان كيف اخليه ياكل اكل عادي .. حقي بس ياكل فصفص مايرضى ياكل ولاا شي



تجااااااااااني