[slyer]

عراسي يا ابو البل كفيت و وفيت انا ما بضرب الكلب و بعاملو مثل احد اولادي و بساوي مشاكل بالبيت اذا حدا صرخ بوجه الكلب اجي بالنهاية اكهربو لا وهالشي مو انساني . يعني تخيل الواحد يحط نفسو مكان الكلب (بلا تشابيه) و يتخيل الوضع كيف رح يكون نحنا كهربة الولاعة ما نستحملها كيف بدنا نستحمل كهربة الطوق الله يعين الكلاب يلي تدرب عهالطريقة و الله يصلح هالمدربين عديمين الانسانية
و شكرا الك اخوي و على اهتمامك.
اما بالنسبة لسؤال ثاني - عندي كلبة العمر سنتين انا مهملها حاطها بالمزرعة يعني كل اسبوع بشوفها مرة
و انا حاب القحها مشان احصل على جراء و اهتم فيها و ادربها بس الكلبة لسا ما صرفت و الناطور يلي بالمزرعة عندو خبرة طول عمرو عايش مع الكلاب و حكالي لسا ما صرفت لانو بس تصرف الكلاب بصيرو كومايات حواليها هل حكيو مزبوط ولا اجيبها للبيت اراقبها و كم المدة يلي لازم اراقبها فيها و كيف تكون الطريقة و اذا راقبتها و ما صرفت ممكن نعطيها ابرة استراديول لكي تدخل في مرحلة الشبق ؟ و شكرا الك اخوي و على ردودك