|
رد: اخر وجبه
انا عندي لوسي وليلى هذولا تعودو على بقايا اكلنا حنا .. ويوم اني دخلت المنتدى وعرفت ان البساس مفروض
مايحط مع اكلها ملح وبهارات وصلصه صرت اسويلهم دجاج مسلوق مع خضار بدون توابل بس مايبونه خصوصا
الذكر مايبيه مره بس لوسي يجي منها تاكل شوي عاد هذي تموت بالدراي فود اي نوع ماشاءالله احيان اجيب
لها دجاج ماتبيه عشان اعطيها دراي فود بس اطنشها وتاكل شوي من الدجاج هذا بعد المساحر والمداحر واوكلها
بيدي قطعه قطعه والاحقها فيه
للاسف اني ماكنت متبعه نظام معين بالاكل اعطيهم بأي وقت بقايا الاكل وبين حين وحين دراي فود
بس بعد ماحملت لوسي صرت ادخل المنتدى اقرأ عن الحمل والولاده ولقيت نفسي اجهل الكثير الكثييير
والحمدلله اللي تعلمت الكثير بعدين
وبديت مع الكيتنز امشي معهم خطوه خطوه .. اعطيهم الصباح حليب السعوديه مخفف او بودرة احلها بماء
والضحى كذا 10-11 اعطيهم جبن مثلث او كيري اهرسه في الصحن وعلى اخر الظهر كذا قبل انام عشان مايصحوني من النوم
اعطيهم كوبين وجبة مسويتها قبل وحاطتها بأكواب وبالليل دجاج مسلوق مع بطاطس واحط معه شوي زبادي
واحيان جبن سايل أو جزر او رز اغير لهم كل
يوم .. الحمدلله الكتنز على طول تعودو صحيح بالبدايه كان يجيهم اسهال ويتعبون واصومهم اعطيهم بس زبادي
ومحلول جفاف لين احس انه صحصح بعد كم ساعه الحمدلله ماوصل اني اعطيهم علاج .. وبعدين عاد تعودو
وصارو يحبون الاكل الي اسويه كله الحمدلله بس باقي الكبار الله يعين عليهم ...
بالنسبة للوجبه الي بأكواب لقيتها بالمنتدى وصرت احط الي موجود عندي مالتزم بكل المقادير :
دجاج مسلوق مفتت .. رز مسلوق .. كبدة دجاج مسلوقه .. فيتامينات .. شوي دراي فود مطحون .. كله يطحن
بالخلاط لين يصير متماسك مو لين مره وتوزعينه بأكواب او صحون وبالفريز وكل مرة تاخذين على حسب الاحتياج
^ انا انوع على حسب الموجود عندي احط مره دجاج مع رز وجبن ودراي فود .. احيان دجاج وخضار بطاطس جزر
كوسه مع دراي فود وشوي شوفان كويكر وفيتامين اكيد
الاكواب ذي مفيده في حالة السفر مثلا وخليتهم عند اخوي بس يجي يعطيهم واضمن انه اكلهم صحي ويشبع
وفي حالة المرض للمربي مثلا او حصل ظرف له او شي ..(من وجهة نظري يعني)..
اعذريني كتبت موضوع مو رد ياساتر !!
اكتب اكتب مادريت انه صار كذا هههههه
دلوعه ياقلبي ابي ترسلين عالخاص اسامي محلات بالرياض عندها كل شي عن القطط سواء اكل او ادوات نظافه من مجاميعه لاني ان شاءالله نازله الرياض وابي اروح المحل سيدا .. الله يعطيك العافيه
|