[الفراشـــــة]

بسم الله الرحمن الرحيم

شخباركم يا جماعة ؟ و اشلونكم ؟ واش شكلكم ؟ <<< تبي تسوي روحها ظريفة

ع العموم عندي لكم خبر في بدايته مفرح و في نهايته محزن

1

2

3

أكشن ..

إسمعوني ..

شريت حقي همستر أنثى

و ضميتها حق همتوووورة في قفصها .. لأني فاصلة همتارووو عنه همتورة مثل ما تعرفووون ..

خليتها مع همتورة بالقفص ..

ما اختلف لونها عنهم

خوب المحل الله يسلمكم ما فوقه فوق .. عنده ألوان و أشكال << العكس صحيح ..

بس بصراحة ..

كان جمالها يفوق جمال همتارو و همتورة ..

ملامحها و شكلها كان أحلى ..

كانت قصيرة

ما فيها طووول

و لطيفة و سمينة

و في نفس الوقت صغيرة الحجم ..

و حسيتها صغيرة في السن ..

عشان جذي بدعت عليها إسم .. كتكوتة ..

تصدقون ؟

البابا بطل عيونه هاللون

يقول ..

جنها هذي أحلى من فيرانج بوايد

آنا عن جد أنقهرت .. ( ما فيه رمز وجه غضبان ؟؟!!!!! ؟؟؟!! )

المهم آنا انقهرت ,, ( وجه غضبان ) هههههههههههه ..

بس مو مهم ..

المهم انها كانت في قمة الجمااال ..

و اللي مجملنها زيادة .. إنها كانت هادية و راكدة .. انا شريتها أساسا عشان هدوءها ..

حتى من كثر ما هي هادية .. بس تحطها في ايدك تمسح عليها اشوي ..

سلااااااااام عليييييكم البنت نامت و وصلت للسما السابعة ..

يعني باختصار ..

تقدر تسميها ..

عاشقة النوم ..

آنا عن جد حبيتهااا .. و لبق لي شكلهااااا .. و حتى لما كنت اطالع التلفزيون أخليها تنام

في ايدي و اطبق عليهاااااا بكلتا اليدين عشان تحس بالدفء و الأمان ..


و هاي اللقطات اللي جبتها لكم .. كلها و هي نايمــــــــة في راحة إيدي ..

هذي كتكوووتتي .. حطيتها في ايدي بس اشوي .. سيده جتها الرقدة و نامت ..

لا وقامت تشاخر بعد

صدقتون انها شاخرت ؟

لالا الهمستر ما يشاخر ..

و إذا يشاخر .. الخبر عند الخبير .. ما قط قضيت معاهم نومة











و هذا فيديووو ما يبين وجهها واضح .. في الطبيعة احلى .. بس مبين حجمها إش قد صغنونة ..

http://la.joreyat.org/download.php?i...81ef8037e223b7

انتهى الخبر المفرح جاء دور الخبر المحزن ..

حطيتها مع همتورة في القفص صح ؟

الحلووووة همتورة ..

وررررت كتكوتة الويل بعيووونه .. و عطتها ضرررررب و طلعت منها الدم .. و بصراحة و بكل أسف

مزقت همتورة الغشاء اللي يحيط بعين كتكوتة .. و نزعت كل الشعر اللي يحيط بعينها .. و صار

شكل كتكوتة مشوه لدرجة فضيعة

صارت عورة بصراحة

عيونه حولة و عيون صحيحة

و صادتني تعاسة بالغة .. و اتحطمت انا بصراحة .. لأني كنت فعلا مستانسة فيهااا .. حتى و انا

اتغدى و انا اتعشى كنت أفكر فيها .. رجعت من الجامعة عشان أطمن على حالها .. لقيتها

حالتها حالة و الله مبللة دم و راكنة روحها في زاوية من زوايا القفص و هي ترتجف من البرد ..

و الظاهر إن عين كتكوتة التهبت .. صارت مو صافية و عليها طبقة تبين إنها عكرة ..

انا ما اتوقع ان شكلها الطبيعي بيرجع من جديد

اهئ اهئ اهئ ..

أحس بالحزن .. قلبي يوجعني عليها و الله كسرت خاطري ..

همتورة طلعت مجرمة و ما اتقبلت الفرد الجديد ..

و تقولون لي يعيش في جماعات ؟

انا كان المفروض احط عازل بس انا خطأت ..

كل اللي أتمناه ان ترجع كتكوتة كالسابق جميلة و طيوبة ..

تحياتي للجميـــــــــــع