بديت اكره هواية تربية الببغاء
السلام عليكم
اخواني ابغى اعرف ليش يصير معي كذا
الان افكر اني ماشتري شي واخسر نفسي
اول شي اشتريت فرخ افريقي وطلع مريض وجلس عندي اسبوعين ومات مع اني والله كنت مهتم فيه اهتمام وانوع له بالاكل وماخليت بيطري ماوديته له
بعدين اشتريت فرخ ثاني وجلس عندي 10 ايام وسافرت وحطيته عند واحد من زملائي والله يهديه روشه والقوت كان بارد ومرض ومات
بعدين اشتريت بلوفرنتد وصاحب المحل قالي انه فرخ ونزلت صورته لكم على هذا الرابط
http://www.2zoo.com/vb/showthread.php?t=265368
والله يجزاكم خير علمتوني انه كبير بالسن وبدلته بفرخ بلوفرنتد وطلع مريض والحمد لله لحقت ورجعته له وبعدها بثلاث ايام مات عند راعي المحل
وامس اشتريت فرخ هولندي ومن امس ماكل وبس خامل وواقف على ارضية القفص ورجعته له قبل شوي
بصراحه انا صارت عندي عقده من الببغانات
ولما القى بالمحل ببغاء اليف يقولي 3500 او 4000
شرايكم يا جماعه بالي يصير معي
|