[آنـــــو]

تمام أنك تقرين وتتعلمين قبل تاخذين لك قطوه

بعكس بعض الناس الله يهداهم يشترون وماعندهم أي خلفيه

وهالشي يحطهم بمواقف أو تربيه خاطئه ..


نجي لـ أسألتك ..

س\ اي اكل افضل من الآتي ؟

مجموعة ويسكاس Whiskas

فريسكيز Frieskes

ميو مكس Meow Mix

رويال كانن Royal Canin ؟

ويسكاس سيئ ولا تفكرين تجربينه حتى .. يعمل مشاكل للقطط ..

فريسكيز ماعليه حلو

وفانسي فيست برضو حلوو مرره ..

رويال كانن متاز جداً ..

بعد عمل هذه الوصفة اعطي لقطة كذا باردة ونييئة ولا اشويها او شئ ؟

الأكل ماتعطيها أي حاااجه نيئه أبداً سواء دجاج / سمك / بيض

لأن هالأشياء ممكن تحمل بكتيريا فـ لا زم تطبخيها زين ..

س\اي رمل افضل من الآتي ؟

ثوماس Thomas

فريشن ايزي Freshin' Easy

لينغ بان Ling Yan Cat Letter

كيتي وايت Kitty White ؟

بقولك أفضليتهم بالترتيب

لينغ يان ،، حلو بالتكتل والعزل بس مشكلته يصير مثل الطين جااامد أذا لصق بالقاع .. بس يظل حلو ولا يطلع روايح

فريشن أيزي ،، صحيح تكتله قوي بس لي ملاحظات عليه أنه الرمل يمتص الروائح الكريهه ويتشبع فيها

حتى لو كان تنظف ،، غير كذا قريت أن هالنوعيه ممكن تحتوي على غبار مسرطن أو يسبب مشاكل للجهاز التنفسي ..

ثوماس .. هذا لي سنتين أو أكثر وأنا أستعمله .. البعض يذم بتكتله .. لكن لابأس فيه بالنسبه لي ويمشي الحال

عزل الروائح ممتاز .

كيتي وايت ولا تفكرين تستعملينه كلها غباااااار ومايتكتل ..

س\في حالة عدم توفر الليتر عادي استخدم رمل عادي ؟ اذا لا كيف اتصرف ؟

بكل سوبر ماركت بتحصلين رمل خاص ،، يعني محلوله ومو مضطره تستعملين رمل عادي

لأنه لو جايبته من حديقه أو شي ممكن يحتوي على بكتيريا أو جرثومة داء المقوسات من فضلات قطط أخرى ..

وحتى لو كان نظيف مثل رمل البناء بيتعبك جداً بالتنظيف لاتكتل ولاعزل روائح وبتتجمع فيه البكتيريا ..

س\ما الطريقة الصحيحة لحمل القطوة ؟ في ناس يقولون كذا بتتعور وكذا .. الخ

عادي شليها مثل ماتحبين ،، أنا أحيان أحطهم على كتفي مثل البيبي

وأحيان أشيلهم من تحت أيديهم والصدر .. والقطه لو بتتعور أو أنزعجت من طريقة حملك

راح تبين لك الشي .. ومع الوقت بتتعلمين مو حاجه صعبه ..

س\عطوني طريقة اخذ فيها قطوتي مجمع او اي شئ (الراشد - كارفور.. الخ) (يسمح بدخولها لكن اقصد حملها بطريقة غير متعبة ..

تشلينها بيدك بدون بوكس ؟!!!! أنتي اللي بتتعبين

فيه شنط دلع وبنوتيه جلد مو بوكس بلاستيك .. شنطه مثل اللي تطلعين فيها

مناسبه لحجم القطوه .. شفتها مره بمحل قيمتها 200 .. ممكن تنفعك هذي

حتى بعد مايلاحظون الناس أن بداخلها قطوه ..

س\اذا رحنا عزومة على مطعم فاخر مثل كنتاكي .. هارديز .. الخ هل عادي تاكر الأكلات الخارجية ؟

اذا موب عادي لازم نعزمها معانا .. فما الأكل اللي ينفع مع القطط (مرة في الأسبوع كـ الأكلات الخارجية بالنسبة لنا ) ؟

ماينفع لهم الأكل المبهر أو المملح ولو بتقديمنه لها لازم تغلسينه حتى تروح البهارات

أو تعطينها قطعه من داخل الصدر شي مافيه بهارات أحيان أسوي كذا ..

وماظني المطاعم تسمح بدخول الحيوانات ..


وعفواً حبوبه ..