|
رد: وجود حشرة الفاش بالقفص
امس اشتريت رشاش سبري من محل للطيور
قالي هذا احسن نوع صناعته بلجيكي وممتاز للطيور والأقفاص بعد سعره 75 ريال
المهم رجعت للبيت ومسكت العصافير واحد واحد ورشيت عليهم من الدواء ونقلتهم في قفص ثاني,
وبعده رشيت على الأقفاص لين صارت الغرفة كيميائية بحته (انكتمت من جد) والرشاش شبه انتهى,
المهم بعدها غلست الأقفاص والبياضات بمزيج من (ماء,كلوركس,ديتول, خل تفاح) وطلعت البياضات والقفص في الهواء الخارجي,
طبعاً رفعت كل الأكل والمشربيات وعظم الحبار وغسلتهم بمويه حارة,
طلعت الطيور من الغرفة وتركتهم في القبو عشان ريحة الدواء كانت جدا قويه بداخل الغرفه,
رحت للسوبرماركت اشتريت بودرة النمل , رجعت البيت وشغلت النور على العصافير وللأسف برضو حصلت حشرة الفاش على المجاثم وفي الارض عند القفص, المهم رشيت من البودره على ارضية القفص والأرضيه القريبه من الفقص , ,رشيت في اماكن مختلفه بالغرفه.
عمليه الغسيل استقرقت تقريباً ساعتين أو أكثر
واليوم ناوي اغسل القفص القديم مع البياضه بماء حار فقط وراح اتركه في الشمس مره ثانيه
وسبب هالشي اني قبل انام طلعت برا اشوف أفحص البياضات والقفص في الظلام بالنور
وبرضو حصلت الفاش اللعين يمشي على القفص والبياضه, مع ان الجو كان جداً بارد بس مدري من وين يطلع,
شكله كان معشش من فتره بس انا كنت متطمن ونايم بالعسل.
طبعاً امس كنت طول الوقت متوتر وزعلان من منظر الفاش دخلني في جو كئيب حسبي الله عليه,
اللي عنده اي ملاحظه يا ليت يذكرها عشان استفيد واقضي على الفاش 100%
تحياتي لكم وراح أوافيكم بأي خطوه جديده.
|