[Walter505]

صباح الخير جميعاً

صراحة أنا فرحان كثير .. بعد فتره من البحث .. الله وفق و حصلت افريقي بسعر مناسب .. وتوه الحلو واصل البيت

سبحان الله ..يعني احساس كأن جايك مولود جديد - مع اني مو متزوج - ويشرفني أصير واحد منكم أصحاب هذه الهوايه الجميله

ندخل في التفاصيل الحلوه .. اليوم وأنا جالس ادور في محلات الطيور - صار لي فتره أدور .. حتى الهنود حفظو وجهي - شفت هالافريقي .. عمره حول السنتين .. هادئ .. ما يعض .. ما يجعر ..ريشه مرتب بس مو محجل .. بديت أتبادل النظرات معاه - أغمز له ..أبيه يحس .. بس ماش الولد ثقيل - المهم شريته من المحل .. و حنى في الطريق الى البيت .. بدا يطلع صوت .. يعني انا ما ادري وش هالصوت لانه اخف من التجعير .. صراحه انا غشيم شوي .. وسكت .. وصلنا البيت .. و حطيته في مكان .. طبعا غيرت له الاكل و كل شئ.. القفص نظيف .. ابي اشوف ياكل ولا لا ... بس الحمدلله ..بدأ ياكل يوم حطيته في مكان عالي مره .. حس بالامان .. وبدا ياكل شوي .. أنا ارتحت يوم يدأ ياكل

كل الامور تمام ..بس في شئ واحد مستغرب منه .. يعني هل هذا الطير أطرم ؟ ... ما سمعت له صوت في المحل .. في الطريق ..صوت شوي .. والحين صار له كم ساعه في البيت بس ما له حس ابد ... أنتو وش رايكم

أخيراً .. حبيت اشاركم بالي صار معاي ... و للاحداث بقيه