|
رد: ~< كلمنا عن طفولتك : )
بآآك..
الحين وبعد تشجيع من واحد من الاعضاء الله يهديه حمسني
المهم خن اجاوب 
1- منو سماك و على منو ؟
ابوي 3>
2- شنو كانو يسمونك او يدلعونك او تعلوقه تعلقت عليك ونت ياهل ؟
تدليع عزوز.. عماتي عزيزان بس اكره ها الاسم 
اما التعليقات ووااااايد.. يعني تقريبا كل اسبوع مثل:
في تعلوقه نسيتها بس ليش كنت كله اظحك..وفي مره قامو ينادوني المحبط 
لانه كل ما قالو بنسوي الشغله الفلانيه اطلعلهم الف عذر انهم ما يقدرون يسونها..
وعاد كانوا صج ما يسونها لاني اعرفهم عيال خالتي
3- شبيهك من التلفزيون > من افلام الكرتون< ؟
كانو يشبهوني كبمارو <الننجا> لانه اثول
و حسان اللي بسلام دانك هم لانه اثول وكله يبي يتهاوش كنت نجري ×.×
هذا اللي اذكره
4- شخصيتك المفضله ؟
اممم في وايد ما اذكرهم الحين بس ترا كل الرسومات اعرفهم 3>
5- اغنيه كنت تحبها ؟
يوم كنت ياهل كان توها طالعه غنية ميامي يا حلوكم وكانو كله يحطونها بالتلفزيون 
ومن البباي غنية سلام دانك و هزيم الرعد و النمر المقنع
6- كنت هادي ولا شيطان ؟
كنت مع الكبار هادي حيييييييييييل بس مع عيال خالتي وربعي الله لا يوريكم
7- اكثر ناس قضيت طفولتك معاهم < يعني عيال الفريج او عيال عمك او اخوانك > ؟
عيال خالاتي كنا كل يوم مع بعض الله لا يفرقنا 
8- ابي سالفه سويتها ونت ياهل ما تنساها ادري سوالف وايد يعني كثر ما تبي تسولف سولف
في عندي مليون سالفه سويتها بحط منها جم وحده عاد الحين تزهبوا حق القرقه :
السالفه الاولى:كنت انا واخوي رادين من صلاة اليمعه ابوي دش البت انا واخوي قاعدين بالحديقه
ماسكين بايبات ونحط داخلها تراب ونرمي ع بعض
بعدين قعدنا نلعب من يوصل التراب ابعد لين شبعنا ودخلنا البيت..
بالليل اخوي عجبت السالفه قام قعدني الساعه 2 الفير قوم اكتشفت لعبه 
ونقوم نطلع الحديقه ويقولي امسك البايب اول ما تمر سياره نحذف عليها لووول
تمر السياره الاولى وتمشي وثانيه وثالثه واحنا مستانسين لين قام مصري نزل من السياره ويصرخ صرآآآآآآآخ بنص الليل انا واخوي انحشنا دشينا البيت ولا نكتشف انه الحبيب مبطل الدريشه بالسياره و التراب كله على ويهااا
السالفه الثانية: كنت بالبر مع الاهل كلهم عيال عمامي وعماتي المهم كان في خيمه ما ادلها بالمخيم وكان قاعد فيها ابوي وعمامي سمعت بنت عمي تقول بروح حق هذيج الخيمه
خليتها تولي لمن راحت جان اذكر انه ابوي هناك قلت بروح والطريج مثل ما تعرفون امش كله سييييييده
طلعت برا المخيم وانا لي الحين امشي و امشي و امشي وكله اقول حق نفسي اي كاهي جدام
لي ما اشوف الا ارض وسما 
عاد تقول يرجع فوق تحت لا يكمل كله سييييييده لين شفت خيمه كبيره رحت طليت من فتحه
ولا بدو شكثرهم قاعدين اشكالهم تخرع
قعدت ابجي واكمل امشي لين شفت مخيم واروح عنده ويشوفني الابو يقولي:
وين مخيمك اقوله مادري ؟؟ ,, انزين شسمك شسم ابوك انت كويتي انت من وين يييت؟؟
وانا كله مادري مادري ,, جان يقول اركب السياره ركبت وياه قاعد يفتر
لين وصل مخيمنا قالي اهني اهلك جان اقوله لآ
جان يوقف وتطلعله الخدامه قالها هذا معاكم جان تقول ايه عاد انا نزلت ولا احد درا العايله متروسه يهال غيري
طولت ولا تبون بعد
يلا يلا اخر سالفه<<< بنطق
كنا بميونخ بالسوق زهقانين انا و ولد خالتي والساعه كانت 5 قلت حق ابوي متى يسكر السوق
قالي 8 جان اقول حق ولد خالتي يلا نتمشى الحريم مراح يرجعون الا 8
وتعرفون سوق ميونخ كبييييييييييييييييييير ونتمشى انا وياه ماخذين راحتنا
كلينا برد بعدين اعزكم الله رحنا الحمام وكملنا نتمشى جان يقولي يلا نرجع كانت الساعه 7
وعلى ما رجعنا ضييعنا المهم ما وصلنا الا 7 ونص
اشوف ابوي معصب وانا من بعيد واهلي كلهم بالسياره  قلت شسالفه
وهناك المسافط غاليه النص ساعه بدينار
ولا يقولي شكو طالع بدون لا تقولي قاعد ننطر ساعتين وانا اقوله ها انت مو تقول يسكر الساعه 8<<<< يحليلي
وايطيح فيني زف طريج كامل خخخ طلع سعر المسافط كلها فيني
و ولد خالتي بالسياره الثانيه ما قالوله ولا شي
بس يلا طولتها عليكم...
9- ودك تعرف طفولة منو من الاعضاء ؟
eric و المجهـ'ول و وايد اعضاء قدم
شكرا لحسن استماعكم
|