|
قططي عنيدة
السلام عليكم
انا تبنيت قطتين اعمارهم ٤ شهور كلهم اناث وحاليا اعمارهم ٥ شهور
اواجه مشكله معاهم عنيدين بزياده لمن اجي اشيل وحدة منهم تقاوم بكل قوتها كأني بقتلهم ويصيحوا ويتعلقوا ف ملابسي من الخوف مرررره ما يحبون امسكهم او اشيلهم بذات وحدة منهم لو شافتني جاي لها كأنها شافت الموت
انا مو مقصر معاهم غرفتي مليانه العاب لهم وكل يوم العب معاهم ثلاث مرات اول ما يقوموا وقبل ما يناموا والثالثه اي وقت
ويلعبوا معايا ومبسوطين بس لمن اجي اشيل وحدة يهربوا
جربت معاهم التريت لمن يسمعوا صوت الكيس او اطلعها لهم يجون جري اول ما يخلصوا يمشون حتى بعض الاحيان اعطيهم تريت ولمن اجي ابي امسك وحدة منهم العب بشعرها تسيب التريت وتمشي تعطيني نظره تراك غثا
جربت معاهم الكات نيب ما يأثر فيهم
لكن سبحان الله وقت النوم ما يحلى لهم النوم الا فوقي ولا جنبي وانا عشان ذي الفرصه الوحيدة الي اقدر اكون معاهم برضاهم اخليهم يناموا عندي ما اشيلهم لكن اول ما يقوموا معد يعرفوني
انا روشتهم مرتين اول ما اخذتهم لانهم كانو جدن وصخين و الثانيه قبل كم يوم لانهم عملوها على نفسهم وعدموا شعرهم
انواعهم مهجنه من ام شيرازيه و اب امريكي
حاب اعرف كيف اقدر احل المشكله ذي
Sent from my iPhone using 2zoo.com mobile app
|