[غجرية]

السلام عليكم
لو تبغاه اليف ويرتبط فيك انت بس الافضل انه ما يشوف ابوه وامه او اي طير ثاني
بالنسبة للاكل اكيد هو غر تقدر تقدم له البطاطا المسلوقة اهرسها وضيف عليها ماء خليها بقوام السرلك وغره وايضا البيض المسلوق نفس الطريقة والرز المسلوق الحبوب خليها بالقفص دائما على شان يتعلم تقشيرها وينفطم عن الغر وتقدر تحط بالقفص تفاح مبشور او جزر مسلوق ومهروس على شان يتعود ياكل اي شي لانه لو انفطم بس على الحبوب يصير صعب يتعود على باقي الاطعمه
على شان ما يشعر بالملل والوحده في غيابك حط له العاب جوا القفص وحتى لما اتطلعه برا القفص العب معاه بالالعاب امسك اللعبة والعب فيها رح يصير عنده فضول يشوف ايش هذا في البداية رح يكون حذر لكن مع الوقت لما يتعود عليك رح يصير اي شي تمسكه بيدك يحاول يشوفه ويلعب فيه
هذه الفتره تقدر تعلمه على الهدد لما يبداء يطير افتح القفص وابعد يدك وانت ماسك ابرة الغر وانده عليه وهو رح يحاول يطير لعندك على شان ينغر ولو جا امدحه وعطيه شوي من الاكل وارجع حطه على ظهر القفص وارجع انده عليه وبعد فتره زيد المسافه بين القفص ويدك كده يتعلم لما تناديه يجيك ويتعلق فيك اكثر ويثق فيك اكثر ولو كبر ما يلزمك تقص اجنحته
اما الجنس انا ليس لي خبره
اتمنى باقي الاخوة المحترفين يفيدوك
بالتوفيق