[D.O.A]

السلام عليكم
اخوي الله يخليلك حمامك وتشوف عيال عيالهم
بالنسبه لتطيير على حسب الطائر يعني اذا كنت تبي تطير الزاجل يمكن يرجع ويمكن لا بس اذا كان معه حمام بيرجع انشاء الله بس لاتستعجل وتطيره خله لما يطق يعني خله تقريبا شهر واذا على القلاب والصفاق اقطف من كل جناح 6ريش
وطلعهم كل يوم حوالي نصف ساعه بس الافضل انك تطلعهم قبل الاكل واحسن لك عودهم على كلمه معينه يعني مثلا اذا عندك طير على بيت الجيران وقلباته كثيره ولا مضيع وتبيه يرجع تقول الكلمه اللي معودهم عليها واذا تبي طريقه غيرها جيب لك علبه وحط فيها حب وهزه وعودهم عليها يعني قبل ماتحطلهم الاكل تقول حب حب وتهز العلبه وكذا كررها كل يوم واذا طار الحمام وهو جوعان وقلت حب حب ولا هزيت العلبه بتشوفهم ينزلن بسرعه
.........................
اذا طول الجناح خليهم يطيرون على الجدار بس ولا تحاول تخليهم يبعدون كل يوم طلعهم وقت محدد ويفضل العصر بس الاحسن انك تطلعهم قبل الاكل
كررها لمدة اسبوع او ثلاث ايام بعدين ابدا طيرهم على خفيف بعدين ابدا التحويم
ملاحظة : لا تطير الاجواز الكبار حاول انك تطير عيالهم وبس
ارجو اني افدتك
واسف عالاطاله
وشكرا لك