|
رد: قطي يعاني وخايفه يموت بسبب خروج المستقيم .. اهل جده واصحاب الخبره ساعدوني ( صور )
.
..
الله يسعدكم شاهيستا وميرمايد .. حاولت ارد عليكم ع الخاص ماقدرت عشان مشاركاتي
القط حاليا جبته من العياده .. وضع المستقيم مستقر نوعا ما والبيطري قالي احتمال يرجع يطلع باي وقت .. وللحين الوضع ماشي احس الفتحه مو طبيعيه مره زي اول .. يعني كانه من اي حركه ممكن يطلع ونا احاول اتعامل معاه بحذر
كمان لاحظت لما يتبرز ونتو بكرامه الفتحه يصير عليها شوية دم غامق ..
المصيبه الاكبر والي صدمتني اني لما استملته من عندهم لقيته هزيل وضعفان بشكل فظيع !
مع اني لما حطيته عندهم كان دبدوب ووزنه حلو .. كثير انقهرت عليه والبيطري يقول لاننا عدنا العمليه 3 مرات .. بس فعلا الضعف مو طبيعي كانه ماكان ياكل شي لايام طويلة
..
بس اخواني ابغا مساعدكم ورايكم في مشكله ثانيه
حاليا الذكر الصغير وضعه تمام ماعدا مشكلة الضعف .. ياكل ويلعب وجالسه احاول اعتني باكله عشان يرجع لحالته الاولى
المشششكله الان اخته وامه جاهم فجاه حالة استفراغ ماده سائله صفرا واسهال فاتح اللون ريحته فظيعه جدا .. اول شي القطه الصغيره وبعدها بيومين الام تعبت مدري ايش سببه ؟!
اشتريت لهم دوا كابكت من الصيدليه قالي بديل لكابتن ونفس المفعول
ومحلول جفاف بديا لايت .. ما حصلت غير الي بنكهة الكرز اتمنى يجيب فايده لهم
اعطيت الام من محلول الجفاف 10 مل
والصغيره عمرها 3 شهور واسبوع اعطيتها كمان 10 مل ..
وبعد شوي بعطيهم العشره مل الباقيه عشان يصيرو الاثنين اخذو 20 مل من المحلول .. كدا صح ؟؟
والكابكت للاسهال احترت بحثت بالنت ناس تقول 5 مل للقطه الصغيره وناس تقول 2 مل
ياليت تساعدوني بالجرعه المناسبه لاعمارهم
الام سنتين تقريبا .. والصغيره 3 شهور واسبوع
انتظركم الله يسعدكم لا تتاخرو بالاجابه عشان الصغيره والام بس نايمين وخموول ورافضين الاكل تماما اخاف يصير لهم شي واخسرهم 
بانتظاركم وربي يجزاكم كل خير
|