[سكر]

المشاركة الأصلية كتبت بواسطة عاشقة الفراشات

الســـــــــــــــــلامــ عليكــــــــــــــــــــــمـ


بعد أن تمت أستضافة

العضوهـ


(هاوية الطيور)



اليــــومـ




نتستضيف



عضــــو


مبدع


وعمره ما قصر في حق تو زوو



إنه نجمـــــــــــــــــنا


والذي لا يخفى على الكل


إنه العضو







(سكـــــــــــــــــــــــــــر)



نورت أخي سكر الكرسي

أشكرك أختي عاشقة على المقدمة الجميلة,, وكلامك اللي أكثر مما أستحقه جزاك الله خير

وشكراً لك على التوهيقة,,,

ينفع أبقى واقف!! والا لازم أجلس على الكرسي؟

المشاركة الأصلية كتبت بواسطة ! هاويه الطيور !

عشوقه تسلمين غلاتي هالموضوع الطيبّ

بصرآحه مالي احتكاك في اخونا " ســـكـــر " لكن يكفي المنتدى الكل يعرفه ويعرف خبرته

وحبيت اشكره على مجهوده الطيب

العفو يا مشرفتنا المميزة,, ولو احتكيتي في كل الأعضاء كان خلصتي ومابقي منك غير اصباعك من كثرهم ما شاء الله

المشاركة الأصلية كتبت بواسطة الآسطورهـ

مشاء الله

الله يعينك ياسكر

عندي لك سؤال واحد بس

وش شعورك لما طار اخو ميزو ؟

هلا بالأسطورة ,, حبيب قلبي

شعوري لما طار فيروز أخو ميزو, شعور واحد ماشي الساعة 2 الظهر وقابل عامل متـــــيــــــن مرررررة كان يحمل أكياس سمنت من الصبح للدور العاشر من الدرج,, ومعررررق للآآآآخر,,, وأول ما شافني حضني تحت باطه << تخيل شكل العيون بالذات

فهمت شعوري يا قمر؟

أمزح معاك

والله قلت الحمد لله,,, هذا أكيد انه شرّ وطار,,,

المشاركة الأصلية كتبت بواسطة أولفر

هلا يا سكر

عندي سؤالين بس

عشان ما أتعبك

سـ1ــ / وش لوون حاسوبك ؟

سـ2ــ / تحبني ولا لا ؟

بس

ننتظرك

لون حاسوبي أسود سواد الليل ,,

أحبك وأحب جيرانك وجيران جيرانك,, ولو تبغى أحب الحي حقكم ما عندي مانع << قلبه منتجع سياحي

المشاركة الأصلية كتبت بواسطة نمـورة

اهلاا بالنجم في كرسي الاعتراف

س 1 : ليش سجلت في تو زوو ؟؟

س 2 : كم عمرك ؟؟

س 3 : ايش هوايتك ؟؟

س 4 : ايش المدينه اللي نفسك تروحها ؟؟

س 5 : ايش شعورك في تميزك في المنتدى ؟؟

س 6 : ايش اخر موضوع سويته ؟؟

س 7 : ايش اكتر موقف مضحك حصل لك ؟؟

س 8 : ايش اكتر شهر تحب ؟؟

و بس

هلا بنمورة,, والله أسألتك صعبة,, وكأني تعشيت على حسابك في يوم من الأيام

سجلت في تو زوو لأني اشتريت 7 أصلات (ملكية) وكنت أبغى آخذ معلومات عنها لأني ما كنت أفهم في تربية هذا النوع,,,

عمري طال عمرك 30 سنة << صدمة

هوياتي,, والله هذا السؤال صعب لأن لي هوايات كثير,, ومستعد أتبنى هوايات جديدة
لكن بصفة عامة أحب أتعامل مع الجوانب السلوكية للبشر وللحيوانات,,

بالنسبة للمدن إذا تقصدي داخل السعودية, نفسي أروح لمدينة جازان,, لأن فيها سوق اسمه الخوبة,, وأسمع عنه كثير,,,

شعوري عن تميزي في المنتدى مزدوج,, ما بين رض وفخر, وبين عبء ومسؤولية,,,
وفي كل الأحوال هذا مدخل خير أحتسب أجره عند الله عز وجل,,,
وأخشى اني بالسعادة اللي أحصل عليها من إطراء الأعضاء لي ان نيتي تتغير وتصير للناس,, وعشان الشهرة مو عشان الله,, عسى ربي يقبل النيّة ويصفيها,,,

آخر موضوع سويته كان موضوع بيع < عرض اشتر امازوني واحصل على كاسكو مجاني

موضوع مضحك حصل لي,, اذا تقصدي في المنتدى,, هذا واحد من الأعضاء المميزين غالي على قلبي,, حس اني غشيم في الكونكت,,, وقام ينصحني اني اشترك في الإنترنت في شركة من شركات الإتصالات, ويحذرني من الشركة الأخرى,, وأنا أستفسر منه وهو يجاوب ويسب في الشركة الثانية ويرغّب في الأولى,,
وبعد مراسلات لمدة طويلة,, قلت له اني أشتغل في الشركة اللي يحذرني منها واني داخل من الكنكت والإتصال زي الصاررروووخ ههههههههه

طبعاً الرجال مسكين يقول جلس يضحك وهو مو مصدق بصووت عالي زي المجنون في العمل قدام الموظفين,,,

أكثر شهر احبه شهر ذي الحجة,,,

المشاركة الأصلية كتبت بواسطة نغمـ الألحآنـ

.
.

و نعم الإختيــآر و الله <~ |

أول شي شخبـآرك ؟

أممم أنـآ عندي 3 أسئله بسس ..

.
.

س 1 / إسسمك ؟
س 2 / أحسن ببغـآء عندك إيش < -- يقصد من الأنوآع الأسآسيه | إفريقي أمزوني مكاو .... ؟

س 3 / مره و أنـآ أقرآآ في ملف الشخصي فحت للمواضيع ., و أمم عرفت قصه صارت لك

إلي هي إن طير من طيورك كان أمزوني كان بيجي ع كتفك و أنت بالسطح

و نزلت راسك و طار و معاد شفته ثـآني .,

أبي تقول لي شنو كنت حاس ذاك الوقت

.
.

و بــس .,

{ أخوك ^_^ ..

اسمي سكر

طيب خلاص خلاص لا تدف,,, اسمي حمزة

أحسن نوع من الببغاوات عندي الأمازوني,,,

هذا السؤال الثالث سألني اياه الاسطورة,,,

وبجد أول ما طار,, حاولت أدور عليه,, لكني استغربت من نفسي,, اني ما تأثرت,,
نهائياً ما حسيت اني حزين عليه,, أو مقهور,,
وعندي مبدأ انه أي شي يصير (لعلّه خير)

المشاركة الأصلية كتبت بواسطة آإلمج’ـهول

<~>

هلـآإ وـآإلله <~ ترـآإكـ مـآإ تمون .,

شخبـآركـ سكر .؟

أممممممممممم }~

عندي بس سوعـآإل وـآإحد بس ]~

1. أنت من وين .؟

وبسسسس ’،

<~>

مجهول,, مدري ليه أحس انك الحين لابس شماغ

أنا من بالجرشي (الباحة),, لكني ساكن في جدة,,

المشاركة الأصلية كتبت بواسطة sakura-san

اصعب اسئله موهاههاهاهاهاهها

انت بنت ولا ولد


ايس اسم شغالتك


ايش تسوي سوق



ايش مستقبك





هل انا سخيف




وهل عمرك شفت نفسك في المرايا


؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

أنا ولد

ما عندي شغالة,, وزوجتي تكلبشني اذا رحنا المستشفى من الغيرة لأن الجنس الناعم كثير هناك,, تبغاني أجيب شغالة؟

والله لتشنقها

بالنسبة لسؤالك (ايش تسوي سوق) و (ايش مستقبك) أعتذر عن الإجابة,, لأن قدراتي اللغوية محدودة , وما فهمت حتى البنقالي حارس العمارة اعتذر عن الإجابة

انت يا قمر مو سخيف,, بالعكس أحس انك طيب مرة وذكي,, لكن حساس,,

شفت نفسي في المراية قبل شوي لما قريت ضحكتك الشريرة في الموضوع

المشاركة الأصلية كتبت بواسطة guan yu

عندي اسئله كثيره

بسم الله

كيف الحال؟
والاحوال؟

ماهو اسمك؟
تحب السكر؟
تكره الشاي؟
الحصان يحبك؟

الحمد لله بخير << على باله هذا سؤال

اسمي حمزة
أحب السكر الطبيعي,, لكن المصنع لا والله ما أحبه,, لانه مضرر
الشاي أموت فيه,,
الحصان,, ما أضن انه يحبني,, أحس انه حب من طرف واحد,, لأني أحب الأحصنة, لكن والله كل ما أركب حصان يطيحني من فوقه,,

المشاركة الأصلية كتبت بواسطة تيكوو

وين سكر واله عندي اسئله راح يستعين بالمجهول عشان يجيب واحد

الله يستر منك,,

انا أكتفي بهذه الإجابات اليوم,, وبرجع ان شاء الله أكمل إجابات للباقيين,,,


وادعولي بكرة عندي مقابلة مهمة في العمل,, وربي يوفقك الجميع

تحياتي