|
الكوكتيل المفروض يبيض قد ايه ويفقس بعد قد ايه ؟
السلام عليكم ياشباب
جوز الكوكتيل بتاعى باض بيضة يوم 12/6 تقريبا وكانو بيرقدو عليها طول النهار
وبعد كام يوم لقيتهم كسروها ورموها بره البياضة
وبعدها بكام يوم لقيت النتاية والدكر طول النهار جوه البياضة ومبقتش عارف افتح عليهم عشان اشوفهم باضو ولا لا
المهم طول النهار والليل يفضلو جوه البياضة وساعات الدكر بيرقد على البيض لحد النتاية ما تطلع تاكل
وعمرهم ماكانو بيسيبوا البياضة هما الاتنين ابدا والنهاردة بقالهم راقدين على البيض حوالى 20 يوم
دخلت عليهم لقيتهم قاعدين بره هما الاتنين وسايبين البيض لأول مره من 20 يوم
رحت فاتح البياضة لقيتهم بايضيين 2 بيضة بس من 20 يوم
مسكت البيض حسيت ان فى بيضة اتقل من التانية وفيها حاجة بتترج لما اهزها
فأنا عايز اعرف دلوقتى هل البيض ده خلاص مفيش منو امل ؟
وهل ده عدد طبيعى لعدد الببض اللى بيبيضو الكوكتيل (2 بس) ؟
وليه هما سابو البيض بعد كل الفترة دى ؟ مع العلم ان الجو هدوء جدا ومفيش اى ازعاج
ودى صور الجوز
معلش معرفتش اصورهم اوضح من كده عشان الجو ليل
|