[عروس الجليل]

للموت عاشق..
سلحفاتك ما عم تقدر تفتح عينيها, لانو جفونها منتفخه
يعني هي لازمها متابعه اكتر من ئبل,,
وعنشان تسرعلها بالعلاج لتشفى, ممكن انو تدهنلها مرهم العينين الخاص بالانسان على جفونها من برا.. وما تنسى تقدملها مع الاكل الفيتامينات الخاصه بالزواحف مرتين بالاسبوع كحد اقصى..
ممكن يكون عدة اسباب لانتفاح الجفون عند سلحفاتك:
- انك ما بتعرضها كفايه لضوء الشمس/ الاشعه الفوق بنفسجيه بشكل متواصل, وهادا بيخلي يصير عندك نقص بالفيتامينات اللي بيحتاجها جسمها.
- عدم نظافة المي وتغييرها بفترات بعيده.. ممكن انو يكون بيئة ممتازه لتكاثر الجراثيم والبكتيريا اللي بتؤدي لمرض السلحفاة وانتفاخ جفونها.
- لازم تنوعلها بالاكل, ويكون قسم كبير من نسبتو حي ومش نباتي (يعني ربيان مجفف, لحم مطبوخ, سمك..).. حتى ما يصير عندها نقص معين بالفيتامينات اللي بيحتاجها جسمها..
....
اللي عندي حكيتك اياتو والله اعلم,, وان شاء الله بكون أفدتك ولو بالقليل..
ومنستنى لتحكيلنا التطورات اللي بتصير مع سلحفاتك..
وبالشفاء العاجل