|
رد: كيف أولف الدرة...؟؟
ياغالي طالما هي زوج لازم تحدد اول شئ هل انت تبغاها للتكاثر او التدريب والترويض
بالنسبه للترويض ... اذا كانت الطيور كبيره بالعمر اول شئ لازم تسويه للطائر هو قص الجناح ... لان الطائر الكبير العصبي اذا كانت اجنحته كامله هي سلاحه الوحيد للابتعاد عنك فتلاقيه بمجرد ماتقترب منه يطير ... عشان كذا لازم تقص الاجنحه مبدئيا .... وانتبه روح لمحل يسويها لك اذا ماتعرف
بعد كذا تبدأ في الجلوس مع الطائر فترات طويله علشان يتعود عليك ويعرف انه مافي اي خطر منك
بعد كذا تبدا تدريبه بمحاول رفعه على يدك بهدوء وشويه شويه بتلاقيه يصعد من حاله وعلى هالحاله فتره من الوقت تلاقي الوضع صار معاك تمام والله يعينك حاول تبليس شئ لان عظته متساويه مع لدغه الافعى في الالم 
طبعا خلال هذي الفتره ابدا بالتدريج تقليل وجبات الطعام له وتقديمها من يدك مباشره وكل ماشفته رفض جوعه اكثر بس انتبه علشان مايروح عليك الطير تجي تلقاه هيكل عظمي
بالنسبه للقدرات الكلاميه
الدره عموما ماتوصف بانها متحدثه جيده ( خاصه الهنديه الصغيره ) وانسى طبعا انك تقارنها بالكاسكو او الغيني لانه مره مافي مقارنه من ناحيه الكلام
عاده الدره ماتنطق باكثر من خمسه كلمات باحسن الظروف ... واذا نطقت ست انصحك تروح تسجلها في جينس على طول  فمو من العدل انك تقارنها بالافريقي افضل طير متكلم على الاطلاق
يعني الدره طموحها مره وتجلس شهور تدربها علشان تقول كلمه ( مياو )
الافريقي في يوم او يومين يجيب لك صوت قطره الماء او نغمه الجوال
اتمنى اكون افدتك واسف على الاطاله
تحياتي
__________________
سبحان الله وبحمده ,,, سبحان الله العظيم
|