[سمساار]

المشاركة الأصلية كتبت بواسطة houston

1-عمر الكاسكو (لون العيون)؟

حول السنه .. لان مدرى كم عمره بالتحديد وممكن احط لك صوره لعيونه

2-الكاسكو أليف ولا لاء؟

الكاسكو له عندى شهرين ونص وشبه اليف ( ياكل من يدى .. ويمسك اصبعى كنه يسلم واذا كان بعيد عن القفص يخلينى امسح عليه بس بخوووف

3-جناح الكاسكو كامل ولا مقصوص؟

مقصوص

4-عندك طولة بال على الكاسكو؟

وقتى كله له .. ماعندى شغله غيره

5-انت اتخاف من الكاسكو يعضك؟

ايه انا خوافه

6- حاط الكاسكو داخل قفص ولا على استاند؟

حاطته فى قفص بس مو داخله .. مفتوح وهو طول اليوم فوق القفص

حياك الله اخوي اتمنالك التوفيق

اول شيء احتاج منك ترفع القفص عن الارض وكون مستوى الطير عند صدرك وهو فوق القفص
وبعدها تبدأ تلاطف الطير وتلاعبه وتمسح عليه لغاية مايأمن منك وبعدها تحط ايدك تحت بطنه
وترفع ببطئ حات يطلع على ايدك واذا طله على ايدك رجعه مره ثانيه عالقفص وكرر هذي العمليه
لغاية مايستوعب ويتاقلم وعرف ان مافي خوف من الايد اذا تم ت هذي المرحله بنجاح متكرر
تبدأ تطلعه على ايدك وتبعد عن الفقص بالبدايه راح يحس بخوف شوي بس ابيك اتطمنه بالمسح
عليه والكلام واللعب معاه ومن بعدها تبدأ تنقله من ايدك اليمين الى اليسار وبالعكس
كرر هذي المرحله لغاية مايتقن الحركه من بعد هذا النجاح المتكرر تبدأ تنقل الطير من ايدك الى ايد شخص
آخر وبالعكس مع التكرار وبهالحاله يكون طيرك اجتاز مرحلة التدريب ويتبقى تعليمه الكلام
اتمنى اني لبيت طلبك وقدرت اوصلك المعلومه بوضوح

انا دائما بالخدمه