[Luis]

أونــــــــــــه...

هذي حدها شرسة..ومستنكره وجوده بمنطقتها..

أنا مرة شفت فيديو لأم..جايبين لها قط بري..يبونها ترضعه..

وعشان يعاودونها عليه..قامو يمسحون عليه..ويمسحون عليها..

عشان تتوافق الريحه فيما بينهم..وظلو على هالحاله يومين..

لمن تعودت الام عليه..ولا فالبدايه عطته كــــف..

بعدها قالت ما يخالف..نرضعه شورانا...

وانا جربت من قبل هالطريقه بين قطوين..كانو اثنينهم مؤدبين..

بس من باب التأكد انهم ماراح يتخانقون..والسالفه سالفة وقت لا أكثر..

فطبيعي يوم شفتها ضربته من أول ما شافته..وانا كانت عندي انثى شريه حدها..

بعدين تعودت عالوضع..بس تظل تضربه اذا مشت وقابلها صدفه تحطيه كف..

أتمنى أكون أفدتك..وزي ما قلت لك...كلها مسألة وقت ويصير الوضع فري..

تحياتي لك..