[Luis]

هلا آنـــــو

وش قصدك بأيام ولت ومضت..

انا اشوف اسهالها طبيعي..وأظني من البرد..

لأن غرفتي اشغل المكيف 3 ساعات وأطفيه ساعتين

أو ثلاث ساعات.. على حسب الغرفه وجوها متى ماصار حااار

شغلته.. وانا من قبل وديتها للبيطري للتطعيم..وقلت له اكشف

عنها اذا فيها شي ثاني..هذا يوم راح منها الاسهال..

قال لي بعطيك دوا عشان تقطع الشك باليقين قبل لا تطعمها

قلت له انا متأكد انها طابت.. وكان بيعطيني حبوب احطها مع الماي

أو الحليب..فبشوف اليوم لها خامس يوم تقريبا وانا اعطيها كابتين..

اذا ماطابت ان شاء الله بوديها بكرة العصر او المغرب ويشوف حالتها البيطري..

هي كانت خامله ودوم تبي تسترخي..فقلت ابحفزها شوي..

حركت لها نشافات مكوره..وصارت تلعب وتلاحق بالنشاف..

عندي شؤال الدراي فود عادي اخليه طول اليوم قدامها..؟؟

لأنها مرات تجي تشمه ولا تاكله..ومرات تاكل شوي منه..بس أحس بدت تحبه..

تشكري عموماً أختي آنــــو..وانتي تدينين لي بإيضاح جملتك الأولى

تحياتي..