[naasooh]

المشاركة الأصلية كتبت بواسطة xX7oSaMXx

السلام عليكم

وعليكم السلام والرحمه

بدون مقدمات انا شريت كاسكو من يومين واشوفه بصراحه ينفش ريشه وخوصا ريش راسه بس



وبعض الاحيان يغمض ليش ؟ هل هذا مرض ؟ طبعا هو يوقف على العصا الي جوا بالقفص

طبيعي نفش الريش وكذلك يحرك جسمه وتطير منه ريش أصغار ، وتغميض عينه بعض المرات وينام بغير وقت النوم الطبيعي مثال وقت الظهر
بس مو طبيعي إذا دائما نافش ريشه أو يرتجف أو تحصلينه كسول ، والعين مغمض وحده أو منتفخه


واليوم وانا جالس اروضه كان يجعر وهو يجعر نزل براز الله يكرمكم وهو ينزل غرد تغريد بصيد وصوت


منخفض شوي . واشوف برازه بالقفص مثل الخيوط وش سببه هذا

وما اكلته الا حب شمسي وحطيتله موز وجلس يعض فيها بس وجا شوي بفمه الموز هذا امس


ياليت تفيدوني والصراحه خايف على طير ليكون فيه شي .

شئ زين جعرته قليله مو دايما يجعر أذا يصفر أو يطقطق أو يقول كلام مواضح مع التجعيره البسيطه فهذي بادره طيبه منه قاعد يحاول أنه يتكلم
وفضلات الطير يختلف لونها ولزوجتها على حسب الأكل .
نوعي له بالأكل وعطيه كل شئ طبيعي يفيده ‘ عطيه بسكوت بالنخاله كاسكوي يموت فيه ومفيد ‘ بطاط وجزر مفيوح بالماء ، ثوم فص واحد ممتاز أذا أكله يقوي مناعته وفي موضوع بالمنتدى أنصحك فيه الأكل المفيد والضار للبغبغاء
التنويع جدا جدا مهم لفائدة جسم البغبغاء

أما إن كان الفضلات دائما نفس الأسهال وشكل الطير مكسل حركته قليله
أنصحك ترجعينه ألى صاحبه بسرعه ولا تنتظرين أسبوعين