|
رد: ارجوكم بسرعة الحقونى .. القطط هتموت وانا مش عارفة اتصرف ازاى
شوفي يا اخت سهى
اولاً: ادام ساكتين يعني في حليب بأذن الله
وثانياً : لازم تعملي حساب ان القطط اللي كبرت
بتحتاج نصيب اكبر من اللبن
واللبن اللي موجود في القطة الام قليل
عشان كدة بتحسي انهم بيتخانقو اما بيرضعو من امهم صح
لكن الصغيرين ان شاء الله هيكفيهم
ثالثا": الحتة المطاطة اللي بيقولولك عليها
شفتي كوتشي العجلة؟
اهو المطاط الاسود دة جواها
لو سألتي باباكي او اخوكي هيعرفو
واما تلاقي ممكن تحطي حتة صغيرة جدا زي ماقالو على فتحة الابرة
وتخرميها من النص خرم صغير يرضعو منه
دة اذا مكفهمش حليب الام تقدري تستخدمي الطريقة دي كمساعده
وانسي انك تستخدمي حليب البقر
بس عندي سؤال عبيط شوية
هو في المنطقة الصغيرة للي انتي فيها
ولا في بيطريين ولا حد يعتني بالحيوانات
زي ما قولتي بس في نت؟؟؟ 
اتمنى انك تعرفي تتصرفي وجزاك الله الف خير
تحياتي للجميع
|