[سها]

سلام عليكم

فى قطط صغيرة لاقناهم فى الشارع فى ست شريرة اخدتهم من مامتهم ورمتهم فى الشارع حسبى الله ونعم الوكيل فيها

القطط دى صغيرة اوى لسة مولودة نونو بيرضعوا

وانا مش عارفة ارضعهم اعمل ايه ارجوكم القطط بيصرخوا من الجوع وانا بتقطع من صراخهم

انا جبت لبن من اللى بنشربه لبن الجاموسة عادى او لبن من بقرة .. لبن طبيعى مش علب

وحطيته فى قطارة اللى هى قطارة العين

وبحاول احط القطارة فى بقهم لكن مش قابلنها خالص خالص

وانا مش عارفة اعمل ايه بس لو حد عنده حل لو سمحتم

وهل اللبن دا مش مناسب ليهم علشان كدا مش قابلينه ؟؟؟

ولا القطارة هى اللى صعبة عليهم علشان بلاستيك جامد ولا ايه ؟؟

انا مش عارفة اعمل ايه ولا اتصرف ازاى