[بحر السكون]

لكن أنا متأكده تماما أن الأعراض ما صارت معه الا بعد ما حطيت له حبوب فاسده يوم الثاني بدا يرجع وضل اسبع يرجع والاسبوع الثاني صار معه اسهال .. وأنا ثقتي باالله كبيره إن شاء الله وبنلقى له حل بعد الله أكيد فهو الشافي وهو المعافي .. لأن البيطري اللي اقول لكم عليه اعطاه دوى الديدان الورمس جرعه على يومين كل يوم حبه وبعدها ملتا فيتامين لمدة 5 ايام واليوم السادس رجع عليه الترجيع خبرنا البيطري وقال الآن أنتهينا من الديدان وباقي التلوث البكتيري اليوم راح اوديه أدعوا لي يا جماعة الخير تكون اموره طيبه ويتعافى وما يكون معه الا شيئ سهل يا رب .. الى الان ما لاقيت حب نظيف تخيلوا اشتريت امس حبوب له خاصه ومن نفس المحل ولاقيتها مضروبه عدل ولا غالية السعر ارجوكم وش اسوي بعضهم قال احط حب شمسي ولكن لا ياكله لانه حجمه كبير ما ياكل غير الحبوب الصغيره .. ياليت حد يفتح محل لاكل الطيور فقط وتوابعها من غير طيور ويراعي الله في البهايم حسبنا الله ونعم الوكيل عليه محل الان يعزل ربي ما وفقه لانه ما عنده امانه ولا ضمير يردعه

لكن اللي حبيت اسال عنه هل الحبوب الفاسده ينتج عنها تلوث بكتيري وما معنى هذا المرض
حبيت اوضح شيئ انا نظيفه معه لأبعد الحدود اغير الكيس تبع القفص 3 مرات يوميا يعني ما ينام الا كل شيئ نظيف المساقي والقاع والاكل والماي كل شيئ اغيره لكن القدر اذا جا محد يقدر يره فاالحمد لله على كل حال ربي لا تجعل هذا عقاب لي على أموري الدينيه والدنيويه اللهم لا تؤاخذني على تقصيري وأحفظه من كل مكروه يا رب العالمين