[@الزير@]

السلام عليكم

انا عندي استفسار عن اسعار الارانب بالسعوديه الرياض القصيم والسعوديه تشمل اي سعرهم واحد ؟

ولكن الهدف من السؤال انا ابي اسوي مشروع ارانب ان شالله ويقولون بالصيف ترخص الارانب
حيل ؟

وابي متى ترخص صح اغسطس لاني ابي اشري واضمن تقريبا الربح ولكن هل الصيف يكو ن فيه امراض ؟

وانا شريت مكيف صحراوي جديد ياعني اضمنه انه مايخرب نفس المستعمل وافضل نوع لضمان البراد والغرفه صغيرونه ماعليها 4في 5 ؟

كم تستوعب وترا نظامي بلاكاش اي خشب ثم بلك وفوقه خشب والفتحتات مصورة بلستيك
مقصوصه الا دوائر مدخل للارنب خخخ ولكن تراي ماسويت الا الان قلت اشاوركم افضل طريقه وانجح طريقه

ويا شباب اهم شي هذا وش اربي من انواع الارانب ابي ربح وانتاجيه وش مرغوب كثير يمشي
عربي ارنب ولا فرنسي الي زي العربي حجمه ولا الفرنسي الي يقولي ذاك اليوم المصري ههه سالفه عطاني جده فرنسي والاصل والفصل وربي كبييييييييييير حيل ابيض ويقول يجيب 9 اولاد
وب300 ريال انثتين وذكر ولكن هل سعرهم غالي انصحوني مالي في المجال هذا البته ياعني الله يستر
وشكرا وناسف على الاطاله يالغالي