السلام عليكم
بعد طول غياب احببت ارجع اليكم
طبعا ً اشتقت لكم جميعا ً و اتمنى انكم تذكروني ..
و صراحة ما احببت اني ارجع من غير ما البي طلب اخوي قطررررررري و ارجع لتربية الحمام مرة ثانية ، لكن هذي المرة اليمام الماسي و هو من احد انواع الحمام و الحمدلله اشتريت جوز و قلت لين باضو ان شاءالله راح ارجع لتوزو الا حببوني الى هذه الفصيلة ..
المرة الاولى اشتريت جوز عادي لكن للاسف لم اتوفق معه و لم يبني العش و لاحاجة و كان خامل خامل يضيق الخلق وايد صراحة
فقمت ببيعه ووصيت احد المربين يجيب لي فصيلة اورنج ، الحمدلله جاب لي جوز و مسكين اعطاني اياه ببلاش و قالي خذه لك هدية مني
هذي هي صورة الجوز الجديد الحمدلله ، و عما قريب اذا فقس البيض اعرض لكم صور فروخه :
الانثى : اورنج مالها اقوى من الذكر :
الذكر : اورنج بس فاتح نقدر نسميه ازابيل يعني
---------------------
اتمنى ان يكون الجوز عجبكم ، بس لي سؤال اخواني ، كيف اقوي اللون الفاتح في الفراخ ؟ كما نعلم ان الذكر فاتح النثية اغمق ، كيف اقدر انتج اورنج فاتح ؟
و سؤال ثاني : هل لازم اريح الجوز في الصيف ؟ هو توه ينتج اول عش عندي بس عند صاحبني انتج كثير و ماشاءالله عنده ، فشنو رايكم ؟
و يلى يا اخوي قطرررررري هذي هدية العودة
سلام جميعا ً