[كاجو]

مراحب أخوي أولاً كم عمر ببغائك ؟

لو كان صغير أقل من سنه ونص يتعلم بسرررررررررعه لو عمره مابين السنه والنص

الي ثلاث ياخذ وقت شوي ولو عمره فوق الثلاث سنين وماتكلم لغاية الان أنسى أنه

راح يقول حرررررف واحد ..
والطريقه سهله ردد الكلمه الي تبيه يقولها ويفضل تكون كلمات سهله في البدايه

وتكون تحتوي على حروف مد مثل ( بابا ، ماما ، تعال ، آلو ، مين ) ويكون الترديد وجهاً لوجه

وبصوت عالي جداً وبعيد عن اي شيء يشغل الطير ويكون الترديد بصوره واضحه لمخارج الحروف

عدة مرات في اليوم الواحد بعد كذا سجل الكلمه وبصوتك في مسجل وشغل الشريط له

وقت استيقاضه من النوم في الصباح الباكر وخله يردد الكلمه وكرر العمليه لمدة نصف ساعه

أخرى في العصر والمغرب وقبل النوم مباشره وكل ماتشوفه ردد الكلمه له وحاول انك تكون قريب منه

وترددها له بصوت عالي جداً وبعد ثلاثة أيام أو أسبوع لدى بعض الببغاوات راح تلاقيه يقول الكلمه لوحده..

اتمنى ماأكون طولت عليك بالشرح بس تعليم الكلام لبعض الببغاوات يبي صبر في البدايه

وبعدين يكون سهل لانه أنا جربت مع ببغاء كان بطيء التعلم كان ياخذ في الكلمه الوحده

حوالي ثلاثة اسابيع او اكثر توصل لشهر ونص كنت اجلس معاه في الساعات وأنا اردد الكلمه

ولو عندك اطفال خلهم يرددون له الكلمه لان الببغاوات تتقبل من الاطفال أكثر ..

تحياتي .