[انجل مان]

مرحبا اخوي ..

اهلا فيك بيننا اولا ..

ومشكلتك سهله بأذن الله ..

طبعا انت تعاني من الانفجار البكتيري .. يعني الزياده في عدد البكتيريا .. بحوضك وهذا سبب اللي يحلي لون الماي كذا ..

وحله سهل .. اولا تعزل الاسماك من حوضك سواءا بكيس او حوض اخر ..

ثانيا : تغسل كل شي بالحوض .. من الغطا.. الين الجرش وحوضك صغير يعني اعتقد سهل حمله وتنظفه زين ما زين بالحمام وان تبكرامه ..

باسفنجه .. وشوي صابون غسيل تايد مو كثير شوي بس .. من صابون الغسيل عشان ما يلصق بالقزتز .. اما الجرش والفلاتر والديكورات لا تغسلها بصابون ..!!

ونظف الحوض بمويه الين تلاحظ انه ما فيه ولا قطرة ولا ريحه صابون .. وبعدها غسل الجرش زين ما زين .. وتأكد من انه ما فيه اي وسخ ..

وايضا الفلتر .. وبعدين اعد ترتيب الحوض من جديد .. وتعبيه ماي جديد .. وتعط كيس ماي السمك داخله .. الين ما ياخذ درجه حراره الحوض ..

وبعدها طلع السمك بالماي الجديد بدون ما تضيف اي ماي من القديم ..

وقلل من الاضائه 10 ساعات وايده .. خليها وقت الحاجه .. يعني متى ما حبيت تتفرج عليهم شغل الليت واذا مافيه حاجه طفيه احسن .!!

وبس