[عروس الجليل]

عنجد الفيديو غريب..مع انو ما عندي خبرة كتيير بس حسيتو متل حرابي الصور متحركة
بس عندي شوية تعليق:
الالوان مزبوطة - الحرابي كلها بشكل عام بتئدر تغير لونها للاخضر, الاصفر, الرمادي, البني بتدرجاته,, ئليل من الانواع اللي بتئدر تغير للون الاسود والابيض.. وانواع نادرة اللي بتغير الوانها للبرتقالي, الاحمر, البنفسجي والازرق, والحرباء اللي بالمقطع اظنها من هذا النوع النادر (حرباء يمنيه- Chameleo calyptratus)..
بس طريقة وسرعة تغيرها للالوان أظن فيها لعب والله اعلم
تغيير اللون بيصير لمن هرمونات خاصة بتؤدي لنشر هرمون اللون بس بيبدا ينتشر عن طريق بقع تئريبا بكل الجسم.. وتركيز اللون بكل منطقة بالجسم ممكن يكون مختلف.. بس بالفيديو منلائي انو البقع اللي عجسم الحرباي نفسها وما تغيرت, والحرباي لمن تغير للون تاني البقع اللي عجسمها بيتغير حجمهن وشكلهن,
,واانا شفت عندي كيف الحرابي كانت تغير لونها, يعني لمن كنت احطها عالاصفر الجسم بشكل تدريجي بتصير فيو بقع لون اصفر وشوي شوي تزيد بكبرها عكل الجسم, بس اللون الاصفر بيغلب اللون الاخضر الاساسي مش بيغطيه بالكامل, بس سرعة تغيير اللون بهادا الفيدو رهيبة!!


بهادا المقطع بتشوف حرباي حمرا واقفة على اوراق الشجر, انتبه للون اللي عم يتغير شوي من عند الذيل
http://www.youtube.com/watch?v=1Cx9k...eature=related