[وردة فرساي]

المشاركة الأصلية كتبت بواسطة هاويه الطيور

عليكم السلام ورحمه الله وبركاته

مافي ام تضرب صغيرها !

لكن هذا خطا ارتكبت الام من غير قصد
لانه الام في بعض الاحيان تساعد الصغير بنقر على البيض لتكسر البيض وليخرج الصغير ..
ويمكن الضربات اتت على الراس ..

وانتي متاكده ان البيضه بيضتها !

مستحيل وانتي الحين سببتي مشكله للصغير اخذتيه ! منها !
شلون راح يرجع ؟


وحابه اسالك ؟ في صغار غيره ولا اهو الوحيد !

اهلين عزيزتي هاوية الطيور
والله اني بعد ما صدقت اول ما شفت هالشي ولما شفت الجرح في رأسه اول شي فكرت من البيضة بعدين ظليت اراقبها من مكان ما تشوفني فيه اني واختي كانت معي وشفناها كيف تضربه وتطرده كلما جا يريد يدخل تحتها وتنقره بمنقارها وهو يصرخ مسكين ويزحف بعيد لانه مايقدر يمشي توه مفقس

قمت شلته قبل ما تقتله وانا عندي من قبل دجاجة حضنت مرتين وماعمرها سوت هالسواة
والبيضة بيضتها والولد ولدها ويشبهها عدل اسود زيها ونفس الفصيلة حقتها بالضبط


بالنسبة لسؤالك عزيزتي هو انه لحاله مافي احد غيره لان يمكن باقي البيض فاسد من المطر والبرد
والحين هو بحضني مو راضي يقوم مع اني جهزت له المكان المناسب جبت كرتون وعبيته رمل وحطيته داخل البيت بعد عشان يظل تحت عيوني وجبت اللمبة وشغلتها وجبت ماي وريش وقطعة صوفية عشان ينام فيها لكنه ما يريد ينام الا على جسم احد منا والا يظل يصارخ ويفرفر كانه يدور احد ولما يشوف يد يجي ينخش فيها مسكين مصدوم وفاقد الحنان من اول يوم ياقلبي عليه

طحنت اله ذرة وحاول يلتقطها بمنقاره لكن ما قدر مسكين ما يعرف
اكل اله فقط لقمة واحدة من الخبز المبلل بالماء وشربته شوية ماي

والحمد لله الجرح صار احسن وتخثر الدم انشاء الله بكرة يصير احسن

ارجوكم ادعو له بالنجاة لاني حبيته ودخل قلبي وبنفس الوقت كاسر بخاطري لان امه ما راعته من اول يوم واذا اكو نصايح قولولي بليز والله يجزيكم كل الخير

والله ماني عارفة شنو اسوي وكيف بنام وهو جالس بحضني ونايم وكيف بكرة وبعد بكرة وبعدين بيجي السبت وبضطر اروح عنه الفترة الصباحية للتعلم

ارجوكم انصحوني
انا مستحيل اقدر ارجعه لامه بعد ماشفتها كيف تطرده وتنقره واظنها راح تقتله المرة الجاية لو شافته