|
رد: The first day of an Academic
مرة من المرارير .!!
كان القروب اللي مكون من ناصر
تركي ، محمد ، عبدالله ، مشعل .!!
كان لنا بريك مخصص لصلاة ويقارب لساعة
وبعده نرجع للكلاس السير علي كمارا .!!
عاد نصليّ وعـ طول أقرب رسترنت ( مطعم )
بخاريّ يعطل عمل الشرايين للوصول للدماغ ليقوم بالتفكير .!!
وكل جهد الشرايين تروح للمعدة عشان تهضم .!!
طبعاً أخوانكم مايكفي الوقت لهم ويتأخرون عن الكلاس
يعني اذا كنا مبكرين ندخل بعد الكلاس بربع ساعة .!!
وبكل بجاحة اعذارنا واهيــة وبدائيه وغير مقنعــة 
مرة نقول حادث ( ياحبنا لتفاؤول ) ومرة نقول الكفر ( التاير ، الدولاب )
خرب وقمنا نصلحــه وعاد السير كمارا رجال شهم ويدمح الزلة .!!
ويمشينا مع اننا وجيـه ماتستاهل والحق يقال 
عاد بعد مرور اسبوع ونص وعاداتنا ماتركناها .!!
وصايرين وسيعيــن وجيـــه وماعاد بوجيهنا دم 
قال ياشباب ابتداءً من السبت الجايّ
لو احد يتأخر اكثر من 5 دقائق يقضب الباب .!!
ولا عاد يوطوط قريب من الكلاس : (
هنا دقت اشارات الانذار والخطر لدينا
وعقدنا اجتماع عاجل جداً وطارئ في داخل الكلاس .! ! !
وعاد السير كمارا ماهوب يفهم بالعربي زين
لذلك استغلينا نقطة ضعــــفه
وجعلنا اجتماعنا يكون بالعربي وبالعامية البحته بعد .!!
ونتج عن هالاجتماع القصير أن نلغي الروحة للمطعم
ونقضب هالكفتيريا اللي حولنا ونطيح في الكلوب ساندوش
لين نتصرّع حفاظاً على خطتنا الاكاديمية وتطلعاتنا المستقبلية .!!
وسارت عاداتنا على هالقرار الاضطراري .!!
ولكن لابد ان نرى الجانب المشرق : )
انّــا صرنا اكثر نشاط عقب هالكلوب ساندوش
موب هالكبسات اللي تكتم نفس الواحد .!!
بس تبقى لذتها في ثقلها الغذائي والعقلي فينا
..
|