وعليكم السلاام ..
هلا اخوي ...
البلوو فرونت تكون جبهته لونها ازرق ..
والاورانج ونج بتشوف على جناحيه لون برتقالي .. هذا بالنسبه للشكل ..
وهذول اهم صورهم ...
هذا البلوفرونتد .. وبكون صريح معاك ماعندي أي فكره عن سعره بس اعتقد سعره 250 واكثر .. وان تعلم وكان متكلم ممكن يوصل اكثر واكثر ..
وهذا الاورانج وسعره تقريبا فيه مابين ال 150 - 200 دينار .. مو اكثر .. لكن ان علمته وصار يتكلم عدل ومواصفاته كلها اوكي .. اييب سعر اعلى من جذي ..
ولو تلاحظ على طرف جناحيه فيه لون برتقالي وعلشان جذي سموه بهالاسم ومعناه بالعربي ذو الاجنحه البرتقاليه ..
والفرق بينهم يكون بلون جناح الاورانج وينجد يكون لونه برتقالي.
بهالطريقه تقدر تميز بينهم ...
طبعا البلو فرونت طلاقته بالكلام افضل من الاورانج وينجد .. وهذا مو معناته ان الاورانج وينجد ما يتكلم .. لا يتكلم بس البلوفرونت افضل منه ومرغووب اكثر من الاورانج ..
الاورانج مايتكلم مثل البلوفرونتد اقصد بالطلاقه ... يعني في بعضهم مايتكلمون بس تلقاهم يصفرون ويطلعون اصوات غريبه ...
واحب اذكرك انت اللي تفرز شخصيتك على الطير مو اهو اللي يفرزها عليك .. بمعنى ثاني انت تقدر تخليه يتكلم وله مايتكلم ... يركب على الايد وله ما يركب ... يعني على حسب تربيتك بغض النظر ان كان بلو وله اورانج وله حتى لو كان يلوناب(هذا افضل نوع ومرغووب واايد) لكن سعره ناار
.. فيه مو اقل من 300 ...
وهذي صورته ...
واسمحوا لي يا اخواني ان كان في أي خطأ بمعلوماتي .. واتمنى انكم تصححونها حقي وتفيدونا ونفيدكم ان شاءالله
واسف على الاطاله ياخوي واذا في أي استفسار محد راح يقصر معاك ان شاءالله