[مجنون عويشق]

السلام عليكم

هلا فيك محمد ..موضوع رائع صراحه


اليوم كنت بسوق الجمعه في الاحساء ..ولكن بسبب الامطار قلقل جدا من اصحاب الطيور حظروا السوق ...يعني بالعربي الي خايف على طيوره من البرد ماجاء السوق ..


اليوم حصلت جوز كناري ايراني ب400 ريال ...ًراحه سعرهم حلو ..لاني قبل ثلاث اصابيع حصلت ذكر كناري ايراني ب400 ريال ..صراحه انهبلت


بالنسبه للافريقي ...حصلت اليوم واحد عمره اربع سنين وراعيه يقول ماسمع منه كلام ..ومسيوم ب1500 ريال والطير يوقف على اليد

وحصلت امازوني الي اسمه liliac amazon ..ولكن ليس هو بالظبط ..وسعره 2000 ريال واليف



طبعايوم الثلاثاء الماضي فريت محلات الطيور الي بالاحساء ..ولقيت بعض الاسعار

حصلت كوكاتو امبريلا ..اليف لدرجه ماتتخيلونها ..وحبوب ويلعب على اليد ..وسعره 4000 ريال ...ًراحه كنت بشتريه بس على مايقولون العين بصيره واليد قصيره ^_^

وحصلت فروخ افريقي بس ولا واحد منهم كان اليف ..وكلهم يجعرون ويخافون وقص الريش سيء لابعد الحدود واسعارهم من الالف وطالع ...طبعا لو ب500 ريال ماراح اشتري لان الافريقي الي في المحل كانوا سيئين جدا


ورحت لمحل ثاني ..لقيت عنده افريقي ..اليف ويتكلم ب3000 ريال وطالع

وحصلت في نفس المحل دبل هيد يلوناب ..وسعره 10000 ريال (( يالله ترزقنا ))

وكان في نوعين من المكاو ...بلو اند قولد واسعارهم 7000 ريال واعمارهم تقريبا من تسع شهور الى سنه وشوي واليفين

وفي مكاو ثاني من نوع قرين وينج ..وسعره 7000 ريال ..مش غالي لهذا النوع ويعتبر رخيص ..ولكن للاسف كان متوحش ويخاف وعمره كبير



هذ الي حصلته



شاكر لك محمد