[m3n]

انا شريت ديك ودجاجة وكنت يومها مرة مستانس لين بديت اطفش منهم وخصوصاً ما في بيض لمدة شهر ونصف لين جيت يوم راجع من المدرسة حصلت بيضه وحمامتين وربي طرت من الفرحة لكن كنت مرة متعجب من دخول الحمام اللين عرفت اني انا وانا ادخل حب الدجاج للقفص بيدي يطيح منه شوي برا القفص ويجذب الحمام يقوم يطمع بالحب الزايد اللي داخل القفص وصار يدخل من تحت باب القفص وما يعرف يخرج اللين جا يوم و يمين بالله 12 حمامه بس عرفو طريق الخروج بعدين صارو 6
انا حقيقة في البداية لمن ما كانت تبيض الدجاجة شكيت انه الديك والدجاجة يا انهم ما ولفو على بعض او انهم خايفين على كلام واحد الله يستر عليه انه الدجاج اذا كان خايف يطيح البيض من الخوف وهو باقي ما تكون بداخل الدجاجة فحسيت يوم دخل الحمام صار مرتاح وما يخاف واللحين حمد لله 13 بيضة موجودة تقريبا جت في ما يقارب 26 يوم كل يومين بيضة عاد شكلو البيض القديم فسد الله يعين وحاليا الدجاجة نايمة لها يومين يعني انشاء الله بإذن الله 19 يوم باقي على الكتاكيت

بس عندي سؤال كيف ممكن اسوي بيت مناسب للحمام عشان يحطون البيض فيه ؟؟؟ وهل وجود الحمام في قفص دجاج يكفي انهم يكونو مرتاحين ويجيبو بيض والنوع اللي داخل القفص حاليا يطلق عليه (قمري ) ؟؟وخصوصا انه ما عندي خبرة في الحمام .... ومشكور مقدماً وجزاكم الله الف خير.
وانشاء الله اذا طلعو الكتاكيت بحط صورهم ....