[قاهر الايام]

اخواني انا عندي مشكله بعد ياليت احد يساعدني فيها

انا جمعت الذكر مع الانثى والحمد الله ما فيه شجار لان الانثى متقبله الذكر بس الذكر مدري شسالفته

اذا تجي صوبه الانثى يهرب عنها ولا يحاول ان يطعمها او يلقحها بل يكتفي بتنقل في القفص

والمشكله اذا افصلهم كل واحد يبي يروح للثاني

وفيه مشكله ثانيه بعد

اول ما حطيت للانثى العش ما كأنها تشوفه ولا كأنه موجود ولا تحاول ان تلفه فقط تلعب بالخيوط تشيلهم لكن ما تحطهم في العش

وقبل يومين تقريبا لفت شوي فيه قلت هذي بداية خير رحت ورجعت لقيته مخرب وما فيه ولا شي وظلت كل جذي تحط وترد تشيل

قلت يمكن هذي الانثى من الاناث اللي ما تلف الا اذا كان وياها الذكر لان كان عندي انثى مثل الحال ما تلف الا اذا ادخلت عليها الذكر

المهم ادخلت عليها الذكر وصار اللي قلت لكم عليه في البدايه

اتمنى تفيدوني بخبرتكم وتزيدون خبرتي المتواضعه